Program Blong Nekiswan Seket Asembli
“Holem Dei Blong Jeova i Stapgud Long Tingting Blong Yu.” Hemia stampa tok blong seket asembli blong tu dei we bambae i kamaot samtaem afta Septemba. (2 Pita 3:12) Hem i blong wekemap wan filing long yumi blong wok strong mo kwik, from we taem i sot. I no longtaem, olgeta man long wol bambae oli kasem jajmen blong Jeova. ?Hu bambae oli laef tru long “bigfala Dei blong God ya we i gat olgeta paoa”? Olgeta nomo we oli stap wekapgud long saed blong speret mo we oli ‘mekem ol fasin we oli tabu mo we God i wantem’ long laef blong olgeta.—Rev. 16:14; 2 Pita 3:11.
Blong laef tru long dei blong Jeova, wan man i mas tekem baptaes. (1 Pita 3:21) Ol pablisa we oli wantem tekem baptaes long asembli oli mas talemaot long presiden elda, mo bambae hem i mekem plan blong samting ya.
Wan tok we i gat fo haf blong hem, “?Yufala i Mas Wanem Kaen Man?” bambae i soemaot klia wanem samting we yumi mas mekem blong holem dei blong Jeova i stapgud long tingting blong yumi. Pablik tok, “Folem Waes Fasin Taem Dei Blong Jeova i Stap Kam Kolosap,” bambae i eksplenem mining blong tok ya ‘lukaot Jeova, stret fasin, mo tingtingdaon,’ ol samting we yumi mas mekem blong laef tru long dei blong Jeova.—Sef. 2:3.
Long en blong seket asembli, tufala elda we oli goraon blong visitim ol kongregesen bambae oli givim tu tok blong pusum yumi blong gohed strong. Wan hemia, “?Trutok i Bigfala Samting Long Laef Blong Yu?” mo “Mekem Plan Blong Fyuja Wetem Dei Blong Jeova Long Tingting Blong Yu.” Tufala tok ya bambae oli pulum yumi blong luklukgud long laef blong yumi mo mekem ol jenis we yumi nidim blong mekem. Profet tok blong Baebol mo ol samting we oli stap hapen long wol, oli soemaot klia se dei blong Jeova i kolosap. Asembli ya bambae i pulum yumi blong ‘lukaotgud mo rere.’ (1 Pita 5:8) Mekem plan naoia blong stap long tufala dei ya.