?Wanem Mak Yumi Mas Kasem?
1 ?From wanem yumi go mekem Baebol stadi long haos blong ol man? ?Yumi givimaot save nomo, yumi wantem mekem laef blong olgeta i kam moagud, no yumi wantem se oli gat wan gudfala tingting long saed blong fiuja nomo? Nogat. !Yumi stap traehad blong mekem ol man oli kam disaepol blong Jisas Kraes! (Mat. 28:19; Wok 14:21) Taswe, ol man we oli stadi wetem yumi oli nidim blong joen long kongregesen. Sipos oli glad mo gat tangkiu long Kristin ogenaesesen, bambae oli save gohed gud long saed blong spirit.
2 Olsem Wanem Blong Kasem Mak Ya: Long stat nomo, oltaem yu mas traem pulum Baebol studen blong joen long ol miting blong kongregesen. (Hib. 10:24, 25) Eksplenem olsem wanem ol miting ya oli save mekem bilif blong hem i kam strong moa, givhan long hem blong mekem samting we God i wantem, mo givim ol gudfala fren long hem we olgeta tu oli wantem presem Jeova. (Sam 27:13; 32:8; 35:18) Ol tok blong yu we i soemaot se yu laekem tumas mo yu gat tangkiu from kongregesen mo ol miting, bambae i pusum hem blong wantem joen long ol miting tu.
3 Ol niuwan oli nidim blong kasem save se ogenaesesen blong Jeova i wan bigfala famle blong ol brata long ful wol. Soem ol video kaset ya Jehovah’s Witnesses—The Organization Behind the Name mo Our Whole Association of Brothers long olgeta. Givhan long olgeta blong luksave se Jeova i stap yusum plante milian man raon long wol blong mekem samting we hem i wantem. Mekem ol niuwan ya oli kasem save se olgeta tu oli welkam blong mekem wok blong God.—Aes. 2:2, 3.
4 Taem wan Baebol studen i kam wan trufala disaepol blong Jisas, yumi glad tumas. !Hemia nao samting we yumi stap traehad blong mekem!—3 Jon 4.