?Yumi Tokbaot Wanem Long Ol Magasin?

Wajtaoa Dis. 15

“Nating se man i bilif long Jisas Kraes no nogat, long manis ya bighaf blong ol man oli stap tingbaot hem. Samfala oli talem se Jisas i no wan trufala man we i bin stap laef. ?Wanem tingting blong yu? [Wet long ansa, nao ridim Matiu 16⁠:​15, 16.] Mi sua se bambae yu glad blong ridim haf ya we i tokbaot ‘Trutok Long Saed Blong Jisas’ blong luk olsem wanem hem i gat paoa long laef blong yu tede mo long fiuja tu.”

Wekap! Dis. 22 (Inglis/Franis)

“?Maet yu agri se blong mekem laef blong yumi i sef, bambae yumi nidim wan rod blong oltaem yumi kasem kakae we i klin mo i gud? [Letem man i ansa.] Yu luk promes we God i bin mekem long ol man blong hem long taem we oli raetem Baebol. [Ridim Levitikas 26:​4, 5.] Magasin ya, Wekap!, i tokbaot ol wari we man i gat tede long saed blong kakae. Antap moa, tokbaot taem we God bambae i mekem laef blong olgeta man long wol i sef.”

Wajtaoa Jen. 1

“?Yu yu bin tingbaot from wanem sam man oli gat wan isi laef, be samfala oli mas hadwok tumas blong kasem naf mane blong stap laef? Baebol i tokbaot samting ya. [Ridim Job 34⁠:19.] Magasin ya i eksplenem olsem wanem God bambae i finisim trabol ya we i mekem se samfala oli gat moa janis long laef i winim sam narafala.”

Wekap! Jen./Maj (Bislama)

“Naoia, bitim ol narafala taem bifo, wol i no gat naf wota we i klin blong olgeta man. ?Yu ting se ol sayentis oli save winim problem ya? ?Ol wota i stap lus i go wea? [Letem man i ansa.] From we yu save se wota i wan samting we i impoten tumas long laef blong yumi, mi sua se bambae yu intres bigwan blong ridim magasin ya.”