?Yumi Tokbaot Wanem Long Ol Magasin?

Wajtaoa Jun 15

“?Yu yu ting se bambae ol trabol olsem oli finis samtaem? [Ridim fastok long faswan haf blong magasin, mo wet long ansa.] Tok blong God i promes long yumi se ol trabol ya bambae i finis i no longtaem. [Ridim Ol Sam 72:12-14.] Wajtaoa ya i eksplenem olsem wanem samting ya bambae i kamtru.”

Wekap! Jun 22 (Inglis/Franis)

“?Yu yu ting se olgeta man long wol bambae oli rili kam friman samtaem? [Wet long ansa.] Makem gud nambawan promes ya blong God. [Ridim Rom 8:21.] Blong promes ya i kamtru, fasin slef i mas finis. Wekap! ya i soemaot olsem wanem samting ya bambae i hapen.”

Wajtaoa Julae 1

“Plante milian man oli yusum ol aedol mo tabu pija long wosip blong olgeta, be plante milian narafala man oli ting se i rong blong mekem olsem. ?Yu yu bin tingbaot sipos God i glad long fasin ya? [Wet long ansa. Nao ridim Jon 4:24.] Ol stori long magasin ya oli soemaot olsem wanem ol man oli stat blong yusum ol tabu pija, mo wanem we Baebol i stap talem long saed blong wosip blong ol aedol.”

Wekap! Julae 8 (Inglis/Franis)

“Baebol i talemaot finis se bambae laef i had long taem blong lasdei. [Ridim 2 Timoti 3:1, 3.] Long olgeta ples blong wol yumi luk samting ya, from we raf fasin blong kilim man i stap kam antap bigwan. !Tingbaot olsem wanem ol samting bambae i moa nogud sipos i no gat ol polis! Wekap! ya i tokbaot trabol we ol polis oli stap fesem long olgeta ples blong wol.”