?Yumi Tokbaot Wanem Long Ol Magasin?

Wajtaoa Mei 1

“I gat sam kwestin we yumi man yumi no naf nating blong givim ansa long olgeta. Tingbaot kwestin ya. [Ridim Job 21:7.] ?Samtaem yu gat sam kwestin we yu wantem askem long God? [Letem man i ansa.] Magasin ya i tokbaot olsem wanem sam man long ol defdefren ples blong wol oli faenem ansa long tri kwestin we oli impoten long tingting blong plante man.”

Wekap! Mei 8 (Franis/Inglis)

“Plante long yumi oli save long wan fren no famle we i gat sik blong suga. ?Yu yu save se sik ya i olsem wanem? [Soem kava blong magasin, mo letem man i ansa.] Magasin ya i tokbaot olsem wanem man i kasem sik ya mo wanem ol tritmen blong hem. Mo tu, hem i tokbaot promes blong Baebol se wan dei, sik blong olgeta man bambae i finis olgeta.” Endem storian blong yu wetem vas blong Aesea 33:24.

Wajtaoa Mei 15

“Evri dei yumi harem ripot long saed blong raf fasin. ?Yu ting se i gat wan taem bifo, we raf fasin i sem mak long tede? [Letem man i ansa.] Traem luk wanem we Baebol i talem long saed ya. [Ridim Matiu 24:37.] Ol man long taem blong Noa oli rabis olgeta, mekem se God i spolem olgeta. Noa mo famle blong hem nomo oli laef i stap. Magasin ya i soem olsem wanem stori ya blong Noa i save tijim yumi tede.”

Wekap! Eprel/Jun (Bislama)

“Plante long yumi oli glad taem ol narafala oli laekem yumi mo oli wantem joen wetem yumi. Mo fasin ya i strong moa taem yumi yangfala. ?Be olsem wanem? ?Fasin ya i save mekem trabol long yumi? [Letem man i ansa.] ?Yumi rere blong go kasem wanem mak blong mekem se ol man oli agri long yumi? [Ridim 1 Korin 15:33.] Wekap! ya long pej 17, i tokbaot stret tingting we ol yangfala oli mas gat long saed blong fasin blong ol fren we oli traem pulum olgeta.”