?Yumi Tokbaot Wanem Long Ol Magasin?

Wajtaoa Jun 1

“Plante nius i stap kamaot se ol grup blong man we oli stap hivimap mane blong halpem ol puaman oli stap stilim haf mane ya. Taswe sam man oli no moa wantem givim mane long ol grup olsem. Be i gat plante man we oli sot long sam samting. ?Yu ting se yumi save halpem ol man ya olsem wanem? [Letem man i ansa. Nao ridim Hibrus 13⁠:16.] Magasin ya i tokbaot wanem kaen fasin blong givim presen we God i glad long hem.”

Wekap! Jun 8 (Franis/Inglis)

“I luk olsem se ol man tede oli no moa tinghae long ol gudfala fasin mo ol fasin we oli soem respek long narafala olsem ol olfala oli stap mekem bifo. ?Yu yu luksave samting ya? [Letem man i ansa.] Yu save, Baebol i talemaot samting ya finis. [Ridim 2 Timoti 3⁠:​1-5.] Wekap! ya i tokbaot from wanem tingting blong man i jenis long saed blong ol gudfala fasin mo wanem bambae i hapen long fiuja.”

Wajtaoa Jun 15

“Sam man oli talem se Jisas hem i man ya we i hae moa i bitim olgeta man we oli laef long histri. Sam narafala man oli putum kwestin se ating Jisas i no wan trufala man. ?Yu yu ting se i oraet blong yumi tingting eni samting nomo we yumi wantem long saed blong Jisas? [Afta we man i ansa, ridim Ol Wok 4⁠:12.] ?Wanem pruf i stap se Jisas i rili bin laef long wol ya? Magasin ya i givim ansa long kwestin ya.”

Wekap! Eprel/Jun (Bislama)

“Plante man oli prea i go long God blong tokbaot ol trabol mo wari blong olgeta. ?Be olsem wanem? ?Yu yu gat tingting olsem plante long olgeta ya se yu no stap kasem ansa long ol prea blong yu? [Afta we man i ansa, ridim Luk 11⁠:​9, 10.] Stori long pej 20 blong magasin ya i tokbaot sam samting we yumi mas mekem sipos yumi wantem se God i lesin long ol prea blong yumi.”