?Yumi Tokbaot Wanem Long Ol Magasin?

Wajtaoa Mei 15

“?Yu yu ting se wan dei bambae i no moa gat fasin pua long wol ya? [Letem man i ansa.] Makem wanem promes we God i talem. [Ridim Aesea 65⁠:21.] Wajtaoa ya i tokbaot olsem wanem promes ya bambae i kam wan trufala samting.” Mekem plan blong gobak mo tokbaot kwestin ya: ?Promes ya bambae i kamtru wetaem?

Wekap! Eprel/Jun (Bislama)

“Yangtaem i fulap long ol traem. ?Be from wanem plante yangfala oli stap long denja blong mekem ol samting we i save spolem olgeta bakegen, olsem tekem drag, mekem raf fasin, mo ol rabis fasin long saed blong seks? [Letem man i ansa. Biaen, ridim 2 Timoti 3⁠:​1-5.] Magasin ya i tokbaot ol traem we ol yangfala oli fesem tede.”

Wajtaoa Jun 1

“Nating se klosap evri man oli stap tokbaot pis, be ol man long wol oli no joengud nating. ?Olsem wanem? ?Yu yu ting se pis long fulwol i jes wan drim nomo? [Letem man i ansa.] Magasin ya i pulum tingting blong yumi i go long wan gavman we i naf blong mekem ol man long wol oli joengud.” Ridim Ol Sam 72⁠:​7, 8, mo mekem plan blong gobak mo tokbaot olsem wanem samting ya i save kamtru.

Wekap! Jun 8 (Inglis/Franis)

“?Yu yu makem we fulap man tede oli wari tumas long saed blong kansa blong skin? [Letem man i ansa.] Wekap! ya i tokbaot from wanem yumi tede yumi stap moa long denja blong kasem sik ya, mo wanem samting yumi wanwan i save mekem blong lukaot gud long yumi.” Blong finis, soemaot promes long Job 33⁠:25 blong leftemap tingting blong man.