Kasem Gudfala Samting From Vidio Kaset Ya No Blood—Medicine Meets the Challenge
?Yu yu gat save long saed blong ol meresin we i no gat blad long olgeta? ?Yu yu save gud long ol narafala meresin we yu save yusum taem yu no wantem tekem blad, mo yu yu save se ol meresin ya oli wok olsem wanem? Ale, luklukgud vidio kaset ya, mo yusum ol kwestin we oli kam biaen blong luk sipos yu gat save long saed ya.—Makem: Long sam haf blong vidio kaset ya oli soemaot we dokta i stap katem man, taswe ol papa mama oli mas jusum sipos ol pikinini blong olgeta oli lukluk kaset ya no nogat.
(1) ?Wanem bigfala risen from wanem ol Witnes blong Jeova oli no tekem blad, mo yumi faenem rul ya long weples long Baebol? (2) ?Yumi wantem we ol dokta oli givim wanem help long yumi? (3) ?Wanem stamba raet blong ol sikman? (4) ?From wanem i stret mo i waes blong no tekem blad? (5) ?Taem wan man i lusum fulap blad, wanem tufala samting we ol dokta oli tingbaot fastaem? (6) ?Yumi save kasem wanem trabol sipos yumi tekem blad? (7) ?Wanem sam long ol tul we ol dokta oli save yusum, blong mekem blad i no ron bigwan taem oli stap katem wan man? (8) ?Wanem samting we yu yu mas wantem blong kasem save long hem long saed blong ol narafala meresin we oli save tekem ples blong blad? (9) ?I gat rod blong ol dokta oli katem wan man we i kasem bigbigfala kil no i gat bigbigfala sik, be oli no givim blad long hem? (10) ?Wanem samting naoia we plante moa dokta oli glad blong mekem long ol Witnes blong Jeova, mo wanem samting we maet bambae ol dokta oli mekem long olgeta sikman long fiuja?
I stap long wanwan man nomo blong tingting gud sipos hem i wantem folem ol tritmen we vidio kaset ya i soemaot, no nogat.—Lukluk Wajtaoa blong Jun 15, 2004, pej 22-24, 29-31, mo Wajtaoa blong Oktoba 15, 2000, pej 30-31.