?Yu Yu Save Ol Defren Tritmen We Yu Save Jusum?
Naoia, plante moa hospital mo dokta raon long wol oli stap givim ol tritmen we i no gat blad long hem. ?Yu yu save ol defren tritmen we yu save jusum? Yu mas save long olgeta, olsem nao, yu save mekem wan gudfala desisen long wanem tritmen we bambae yu jusum. I gud yu lukluk DVD ya No Blood—Medicine Meets the Challenge. Biaen, prea long Jeova, mo traem ansa long olgeta kwestin daon, blong tingtingbak long ol samting we yu lanem.—Makemgud: Long DVD ya, i gat sam sot pija blong dokta we i stap katem man. Ol papa mama oli mas skelem sipos i gud we ol smol pikinini blong olgeta oli lukluk samting ya.
(1) ?Wanem bigfala risen from wanem ol Witnes blong Jeova oli no tekem blad? (2) ?Long saed blong tritmen we ol dokta mo hospital oli givim, wanem samting we ol Witnes blong Jeova oli wantem? (3) ?Wanem raet blong olgeta sikman? (4) ?Taem man i jusum wan tritmen we i no gat blad long hem, from wanem hemia i no wan krangke desisen we i olsem se hem i no wantem lukaotgud long laef blong hem? (5) ?Taem man i lusum plante blad, wanem tufala samting we ol dokta oli traem mekem fastaem? (6) ?Wanem fofala stamba rod blong tritim man we ol dokta oli no yusum blad? (7) ?Olsem wanem ol dokta oli save (a) mekem se man i no lusum plante blad, (b) sevem ol red sel, (c) givhan long bodi blong mekem moa blad, mo (d) kasembak blad we i lus? (8) Eksplenem tufala rod ya: (a) miksim blad blong man wetem wan spesel wota (hemodilution) mo (b) sevem ol sel (cell salvage). (9) ?Wanem save we yu nidim long saed blong ol tritmen ya we oli no yusum blad? (10) ?Dokta i save katem man from ol bigfala sik we i no isi blong stretem, sipos hem i no givim blad long hem? (11) ?Wanem gudfala samting we plante dokta mo hospital oli stap luksave?
Tingting blong sam man i no letem olgeta oli akseptem sam tritmen we DVD ya i tokbaot. I stap long wanwan man blong tekem prapa desisen blong olgeta folem tingting we oli trenem from ol save blong Baebol. ?Yu yu tekem wan klia desisen long ol tritmen we yu mo ol pikinini blong yu, yufala i save akseptem? ?Yu yu fulumap finis Medical Directive kad blong yu? Blong kasem save fulwan long ol samting ya, ridim bakegen “Wan Kwestin” long Wajtaoa Jun 15, 2004, mo Wajtaoa Oktoba 15, 2000. Afta, karem Kingdom Wok Blong Yumi, Novemba 2006, mo lukluk pepa we i stap long medel blong hem, nem blong hem: “?Bambae Mi Mekem Wanem Desisen Sipos Dokta i Wantem Givim Meresin Long Mi We i Gat Smol Blad Insaed Long Hem, No i Wantem Yusum Blad Blong Mi Bakegen?” Nao raetem desisen blong yu long pepa ya long saed blong wanem tritmen we yu save akseptem mo wanem tritmen we yu no wantem. Laswan samting, meksua se yu raetem gud long wan leta ol tritmen we yu save akseptem, nao fasem leta ya long Medical Directive kad blong yu. Yu mas talemaot klia ol desisen blong yu long dokta mo hospital mo long ol famle blong yu we oli no Witnes.
[Tok blong pija long pej 3]
• ?Olsem wanem? ?Yu yu tekem desisen finis long wanem tritmen we yu mo ol pikinini blong yu, yufala i save akseptem?
• ?Yu yu fulumap finis Medical Directive kad blong yu, mo yu karem kad ya wetem yu oltaem, blong yusum sipos i gat wan trabol i kasem yu long rod?