?Yumi Tokbaot Wanem Long Ol Magasin?

Wajtaoa Dis. 1

“?Wanem tingting blong yu? ?Yu yu ting se God i mas fogivim sin blong evri man, wetem olgeta ya tu we oli minim nomo blong spolem ol narafala be oli no tanem tingting blong olgeta from sin blong olgeta? ?Ol man ya oli mas kasem panis from sin blong olgeta? [Letem man i ansa mo ridim Hibrus 10:26. Biaen, soemaot haf we i stap long pej 10.] Haf ya i soemaot wanem samting we God bambae i mekem long ol man ya, folem stret fasin blong hem.”

Wekap! Okt./Dis.

“Baebol i talem se God i wokem man long pija blong hem. From samting ya, plante man oli bilif se God i mas gat wan bodi we i sem mak long bodi blong yumi, wetem ol han, leg mo evri samting. Be, magasin ya i soem we Baebol i talem se God hem i Spirit.” Ridim Jon 4:24 we i stap long faswan paragraf, mo askem long man sipos hem i wantem ridim haf ya blong magasin.

Wajtaoa Jen. 1

“Evri yia, long taem olsem, plante man oli stap tingbaot Jisas. ?Olsem wanem long yu? ?Yu yu save talem olsem wanem Jisas i gat paoa long laef blong yu? [Letem man i ansa.] Baebol i leftemap tingting blong yumi blong folem eksampol blong Jisas. [Ridim 1 Pita 2:21.] Taem yumi mekem olsem, yumi kam moagud long ol fasin blong yumi mo yumi glad moa. Magasin ya i eksplenem from wanem.”

Wekap! Jen./Maj

“Long ol manis olsem, plante man oli traem blong ona long Jisas. ?Folem vas ya, yu yu ting se wanem beswan rod nao we yumi save ona long hem? [Ridim Jon 14:15. Letem man i ansa.] Ol man oli no save stret dei we Jisas i bon long hem, mo maet bambae yu sapraes blong save from wanem ol man bifo oli jusum 25 Disemba se hem i Krismas dei.” Soemaot haf we i stat long pej 26.