Inu mwa raha mahatsara fiviloman’holu tragnu areki ?

VALINI BIBLU

« Tsara [...] reu mitandrenyi vulagna Ndragnahari ndreki magnaraka izi ! » (Luka 11:28, Bible en français courant).

DIKANI IZI IU AMINAU

An fagnarahanau antra iu, anau mbu hanosku :

fitiavana ni ankitinyi (Reu Efezi 5:28, 29),

fagnadzana (Reu Efezi 5:33),

fatukisana ni ankitinyi (Markusi 10:6-9).

HOLU METI MATUKI RAHA VULANYI NI BIBLU ?

Iya, misi manani shingani aroyi :

• Boka an Ndragnahari fihisian’holu tragnu areki. Biblu mivulagna amba boka an Ndragnahari Jehovah « azahuan’holu tragnu areki djabi [...] agnaragna » (Reu Efezi 3:14, 15, Tafaswiri ni dunia vaovao). Manani zenyi, misi holu tragnu areki mana Jehovah nikumba izi. Nanyinu izi iu tokuni haitsika ?

  Dziria : Anau mihinagna haninyi masiru ndreki anau mila mehei modeli nandrahuana izi. Azovi mbu hagnutanianau ? Hatsarani, holu nahandru haninyi iu.

  Karaha zenyi kua, holu mila mahazu raha mahatsara fiviloman’holu tragnu areki, tsara magnutani Jehovah, nikumba izi (Jenezi 2:18-24).

• Ndragnahari mitarimi anareu. Holu tragnu areki tokuni mitsakaraka antra boka an Ndragnahari agnati ni Biblu. Nanyinu ? « Mana izi mitarimi anareu » (1 Piera 5:6, 7). Jehovah mitia hatsaragnan’holu tragnu areki ndreki antranazi misi fotuni fun ! (Obulagna 3:5, 6 ; Izaya 48:17, 18).