Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan widü-hati

“Lúmagiñe fiú irumu lun ñahoun, súdinitimahali harihiniña gürigia ánheligu. Afiñetün san añahein lan ánheligu? [Ígira humá lun hóunabun gürigia.] Ariha huméi le tariñagubei garüdia to.” Arufuda humá aban Garüdia Atalaya to lánina 1 lidan widü-hati houn, ani akutiha huméi furumiñeti subtítulu le lídanbei páhina 16 hama ani aliiha huguyame íbini aban lídangiñe bérusu burí le ñeinbei. Ariñaga humá houn gayara lan herederun tau garüdia ani hagiribuduba lan lun hóunabuni le aban álügüdahani.

Garüdia Atalaya 1 lidan widü-hati

Aliiha huméi Sálumu 65:2. Lárigiñe ábame hariñagun: “Gíbetiña gürigia saminatiña luagu ‘aganba lani Bungiu furíei’ ani ligía hafurieidunbei lun sagü weyu. Añahein amu, aba hálügüdagun houngua: ‘Anhein anihein lubéi Bungiu, ka uagu líbebei turóbuli ubouagu?’. Agia hugía, ka hisaminabei? Anihein funa san aban Bungiu le aganbubalin wafurieidun? [Ígira humá lun hóunabun gürigia.] Tidan garüdia to darí wamuti óunabagülei le tíchugubei Bíbülia luagu ka lan uagu lígira Bungiu lun ñein lan asufuriruni anhein aganba lubalin wafurieidun”.

¡Despertad! Widü-hati

“Lidan dan le hanufudeeña gürigia háfuridun hábuguarügü, gúñountima. Saminatün san gayara lan wadügün somu katei lun manarime lan wuribani ubouagu? [Ígira humá lun hóunabun gürigia.] Afuranguagüda tumuti garüdia to ka lan gayarabei ladügüni kada aban wádangiñe lun ñein lan darangilaü. Akutiha tumuti giñe lagunfulirun profesía le.” Aliiha huméi Sálumu 72:7.