Le gayarabei wariñaguni tuagu garüdia

Ñunsu luáguti Larúeihan Bungiu núm. 38

“Nídehaña lidan aban wadagimanu espechaliti le adügǘbei lidan sun ubóu lun lafanreinhóun ariñahani súdiniti le. Níchigaaru tratadu to hun.”

Abürüdǘni: Buídubei murusunrügü lan hayanuhan lun gayara lan lapurichihóun lidan sun fulasu le atokarubei lun damuriguaü. Gama lumoun anhein arufuda gürigia busén lan lafurendeirun busén ligía layanuhan, gayarabei wálügüdüni ka lan lasaminarubei luagu álügüdahani le luágubei tidáü, waliihani Adügaü 24:15 tídangiñe tratadu lun ani anhein anihein lubéi dan gayarabei wakutihan amu puntu luma. Lagumuhóun gayarabei wadügüni álügüdühani le áfuachubei tanagangiñe tratadu lun “Ka uagu waweiyada hilagua wagía?”, adüga wagíame aransehani lun wagiribudun akutihei álügüdahani ligía.

Garüdia Atalaya 1 lidan unsu-hati

“Añahein gürigia mafiñetiña luagu Bungiu ladüga ariñawagúaali lan iyeeni houn luagu. Lidan hisaminan, katei san aban lídangiñe iyeeni ligía? [Ígira humá lun lóunabun gürigia.] Chóurugüda tumuti Bíbülia woun luagu busén lan Bungiu lun wasandirun ínsiñeni luagu luma lun wafiñerun luagu sunsuinagubei [aliiha huméi Isaíasi 41:13]. Afuranguagüdatu garüdia to ǘrüwa lueirin iyeeni le adisedagüdübaliña saragu gürigia luéi Bungiu.”

¡Despertad! Unsu-hati

“Gíbetiña gürigia saminatiña hígiruñein lan gürigia lubuidun burí igaburi. Ariha humaali san ígireina hañalin lan gürigia lubuidun burí échuni? [Ígira humá lun lóunabun gürigia.] Ariñagatu Bíbülia lidan aban profesía aribadeinatima luba lan buga hagaburi gürigia luma ligaburi hóuserun [aliiha huméi 2 Timotéu 3:1-5]. Arufuda tumuti garüdia to dan le lan wafalaruni lúrudu lánina laruman ibagari le tídanbei Bíbülia aba lan buídutima lan wabagari.”