Amu igaburi lun tayusurún garüdia Bíbülia ka uganu tídanbei?
Saragu gürigia ha lídanbaña fulasu le ñein lubéi wapurichiha ibidiñehabutiña tun Bíbülia, hátima lídanbaña relihión ha ibidiñehabubaña lun larufudahan Kristu. Añahein íbirigu, dan le haturiahanu líburu Kátima san hama gürigia ha, yusu hamutu giñe garüdia Bíbülia ka uganu tídanbei? lun híderaguniña asubudiroun Bíbülia buidu. Aban hénpulu, yusu lumuti aban íbiri fánreinti 1 tídangiñe garüdia to dan le lakutihani kapítulu 3 tidan líburu Kátima san. Lárigiñe, akutihati amu fánreinti dan le lagumuchun kada aturiahani. Haturiahañoun san Bíbülia luma somu gürigia le unbei ibidiñe tan Bíbülia o lóuguati lasubudirun tídangiñe? Akutiha humoun garüdia Bíbülia ka uganu tídanbei? úara tuma líburu Kátima san. Ítara híderagubei lun lasubudirunu ‘Lererun Bungiu le ñein lubéi ladarirúa lichú aau lun lasalbarun’ (2 Tim. 3:15).