Lidan unsu-hati tafanreinhóuba Ñunsu luáguti Larúeihan Bungiu núm. 38
1. Ka katei hálügüdagubei saragu gürigia houngua libügürü óunweni, ani kaba adügǘwa lidan unsu-hati lun wíderaguniña?
1 Aban ágani óunweni woun súngubei, meberesenga ka lan wafiñenbei (1 Ko. 15:26). Gíbetiña gürigia álügüdagutiña houngua ka lan funa asuseredubei houn haduheñu ha hilaguaañabaña ani anhein harihayabaña lubéi. Lun wíderaguniña gürigia ha, ladügǘba aban wadagimanu líteme lidan sun ubóu lánina tafanreinhóun tratadu Ñunsu luáguti Larúeihan Bungiu núm. 38, to gíriboun “Gayarati funa san habagaridunya hilaaña?” Lagumeseruba wadagimanu le lúmagiñe 1 lidan unsu-hati ani laduraruba sun hati. Lárigiñe lagumuchun wadagimanu lánina tafanreinhóun tratadu to, gayarabei wasigirun ayusuroun lidan apurichihani.
2. Ida liña ligaburi tadügǘn tratadu Ñunsu luáguti Larúeihan Bungiu núm. 38?
2 Ligaburi tadügǘn. Adügǘwatu tratadu Ñunsu luáguti Larúeihan Bungiu núm. 38 lun gayara lan tabaruchawagún luagun timigifen. Bürüwañu liña lisudinin álügüdahani le tíribei luagu tidáü luma álügüdahani le: “Kaba hamuga hóunaba... anha, uá o háfuga?”. Danme ladaarunu gürigia, larihibei óunabagülei le tíchugubei Bíbülia luma ka lan uagu buidu lubéi lasubudiruni. Larihibei giñe ka lan uagu gayara lubéi lafiñerun luagu le tariñagubei Bíbülia. Ani tanagangiñe tratadu, ladariruba aban álügüdahani súdiniti le lunbei ladügün lun busén lan ladariruni óunabagülei ani lamisurahabei lun lasigirun afurendeira.
3. Ida luba tafanreinhóun tratadu Ñunsu luáguti Larúeihan Bungiu núm. 38?
3 Ida luba tafanreinhóun? Ítara luba tafanreinhóun kei dan le wafanreinhañoun lan amisuragülei lubá Laritaguagüle lounwen Hesusu o lubá adamurini distritu. Híchuguba wéiyaaña lidan afiñeni adundehani libügürü ida luba lan tafanreinhóun tratadu to lidan sun fulasu le ñein lubéi latokara houn lílana damuriguaü hapurichihan, según adundehani le tídanbei gárada to ounahóuboun houn weyu 1 lidan gádürü-hati irumu 2013. Anhein lougua lubéi fulasu le ídanbei lapurichiha somu damuriguaü gayarabei hídehan íbirigu afanreinha hama lílana amu damuriguaü le gíbebei fulasu le ídanbei hapurichiha. Danme le hárügüdünu íbirigu tratadu to lunboun hafanreinhanu, moun lumuti hárügüdün tóugiñe to lunboun hemegeirunu lidan aban dimaasu. Anhein ígiragua tratadu hun lárigiñe afanreinhóuaaru lan tidan sun muna lidan sun dan le lunbei ladurarun tafanreinhóun, gayarabei tayusurún lidan apurichihani lidan guririguaü. Anhoun agumucha huéi lubaragiñe lagumuchun hati, lunti hapurichihan tau agumeiraguagüdüni to lunboun lapurichihóun tau lidan unsu-hati. Lidan furumiñeti samudi lidan hati, weteniruba afanreinhoun tratadu lubaragiñe wetenirun agumesera aturiahoun Bíbülia hama gürigia. Wapurichihaba giñe tau Garüdia Atalaya tuma ¡Despertad!, ánhawa ariha luagu buídubei lan wadügüni. Adüga wamá aransehani lúmagiñe guentó lun wídehan lidan wadagimanu espechaliti le.