Arufudaha humá houn lun heseriwidun lun Heowá lau úarani

Arihúaali dan le lan larufudahóun houn iseri apurichihatiña lun gabügürügua lan hapurichihan luma lun hadügüni lau ubebeni adügati lun buidu lan ligaburi hapurichiha (Ari 22:6; Fili 3:16). Anihán fiu adundehani lun híderaguni aturiahati lun buidu lan ligaburi lapurichihan lúmagiñe lagumeserun:

• Gumese humá arufudaha lun aturiahati ida luba lan lapurichiha lúmagiñe liridúniwa keisi apurichihati (km 8/15 páh. 1). Íderagua huméi arihei súdiniti lan lun láfuridun apurichiha sagü dimaasu (Fili 1:10). Buidu lan ligaburi hayanuhan luagu fulasu le ñein lubéi hapurichiha (Fili 4:8). Ínchaha huméi lun lapurichihan luma íbiri le óunigirubalin hani sétanu luma hama amu íbirigu gayara láamuga lafurendeirun hámagiñe (Ari 1:5; km 10/12 páh. 6 pár. 3).

  

• Sigí humá íchiga dǘgüdaguaü luma arufudaha lun aturiahati íbini lárigiñe labadiseirun, dántima le magumuchun lágiru lan líburu “Línsiñehabu Bungiu” aturiaha (km 12/13 páh. 7).

  

• Ariñaga humá katei le ménrengunti lafurendeirúniwa dan le hapurichihan luma aban iseri apurichihati. Lárigiñe haganbuni le lariñagubei dan lapurichihan, ariñaga humá lun buidu lan ladügüni. Ru humá fiu adundehani lun lun buidutimalá ligaburi lapurichihan (km-S 5/10 páh. 7).