Ánhara humá lun ídemuei hámagiñeti íbirigu

Yusu lumutiña Heowá sun wíbirigu lun híderaguniwa (1 Fe 5:9). Rútiña ídemuei woun lun gayarabei lan wagañeiruni sun lénrengunga le wásügürübei lidan apurichihani. Kéiburi, saragu íbirigu kei Akila, Pürisíla, Sílasi luma Timotéu íderagua hamuti apostolu Pábulu saragu (Adü 18:1-5).

Ida luba gayara lan híderaguniwa amu íbirigu? Gayaraati híchugun adundehani woun lun manufudedun wamá, lun wagiribudun adüga bisida o lun gayara lan wagumeserun o lun wíchugun aturiahani tídangiñe Bíbülia. Samina wamá luagu somu íbiri le gayarabei líderaguniwa lun buídutima wamá lidan wani ministeriu ani amuriaha wamá luma lun líderaguniwa. Buídubei lidin houn biángubei ani híchuguba dǘgüdaguaü hóuniwagua (Fili 1:25).

LÁRIGIÑE HARIHINI BIDÉU SANDÍ WAMÉI UGUNDANI LE LÍCHUGUBEI HADÜGǗN DISIPULUGU. LAU WÁNHARUN LUN ÍDEMUEI LE LÍCHUGUBEI HEOWÁ: WÍBIRIGU, ÓUNABA HUMÉI ÁLÜGÜDAHANI BURÍ LE:

• Ida liña tadügün Neta lun tagumeserun Nirisin adamuridagua?

• Ka uagu lunti lubéi wagunbirahan amu íbirigu lun houdin wamá íchiga aturiahani tídangiñeti Bíbülia?

• Ka ida genegegua lan le hínsiñebei tun Nirisin lumoun le hínsiñebei tun íbiri to wéiyaarubou?

• Ka igaburi lidan ministeriu gayarabei hafurendeirun hámagiñe amu íbirigu?