Sagá humá buiti lídangiñe bérusu burí le íchugubei lanwoun ariñahani

Dan le haliihanu Traducción del Nuevo Mundo, harihuba anihein lan liraüraü létüra lóubagiñe saragu lídangiñe dimurei. Ka un hu lan? Lun larufudún anihein lan amu burí bérusu le íchugubei lanwoun ariñahani. Arufudati bérusu burí le anihein lan úarani lidan le tarufudahabei Bíbülia. Anhein hayusuruña lubéi aban Bíbülia to tauboun gárada, gayaraati háluahani liraüraü létüra burí ligía lidan fánreinti le lamidanguabei páhina. Anhein haliihañoun lubéi Bíbülia lidan jw.org o lidan JW Library^®, buídurügüti lun hadunrun luagu liraüraü létüra lun hadarirun ítaga bérusu.

Kaba ariñahani hadarira lidan bérusu burí le? Anihán fiu hénpulu:

Abahüdaguni le iridúbei lidan ámuñegueinarügü bérusu. Barǘ lumutün bérusu lidoun amu bérusu tídangiñeti Bíbülia le ayanuhabei luagu ligiaméme sügǘ. Kéiburi, anhein haliihañein lubéi 2 Samueli 24:1, anihein aban liraüraü létüra le áfuridubei lidan lagumuchagüle bérusu le óunahabalün lidoun 1 Krónikasi 21:1.

Bérusu le ídangiñebei lasagarúa ariñahani. Kéiburi, anhein haliiha Matéu 4:4, harihuba anihein lan aban létüra lidan lagumuchagüle bérusu, le arufudubalin lídangiñe lan 2 Lúrudu 8:3 lasagarúa ariñahani.

Profesía luma lagunfulirun. Arufudati bérusu ida liña lan lagunfulirun aban profesía. Kéiburi, lidan Sakaríasi 9:9 anihein aban liraüraü létüra lidan lagumuchagüle bérusu le óunahabalün aliihei lagunfulirun lidan Matéu 21:5.