¿Achike ri Loqʼoläj Wuj chawäch rat?

RI LOQʼOLÄJ WUJ NUBʼIJ:

«Ronojel ri tzʼibʼatäl, kan ja ri Dios ri xbʼanon chi xtzʼibʼatäj kan» (2 Timoteo 3:16, La Biblia en Kaqchikel Central, chojmirisan kitzʼibʼaxik).

RI UTZIL NUKʼÄM PE RI NAWETAMAJ

Xtqïl ri qitzij chi kij ri kʼutunïk ri kʼo más kejqalem pa qakʼaslem (Proverbios 2:1-5).

Xtqïl ütz taq naʼoj richin nqabʼän pa qakʼaslem (Salmo 119:105).

Xtqakuqubʼaʼ qakʼuʼx chi kan qitzij wi xkebʼanatäj ri sujun chi qawäch apo (Romanos 15:4).

¿ACHIKE RUMA ÜTZ NQANIMAJ RI NUBʼIJ RI LOQʼOLÄJ WUJ?

Kʼo oxiʼ ruma:

• Majun bʼey nujäl ta ri rutzij. Ri Loqʼoläj Wuj e 40 achiʼaʼ xetzʼibʼan, 1.600 junaʼ xukʼwaj rutzʼibʼaxik. Stapeʼ kʼïy chi ke ri tzʼibʼanelaʼ majun bʼey xketamaj ta kiwäch, ri naʼoj chupam ri Loqʼoläj Wuj majun nujäl ta, xa xe jun naʼoj achoj chi rij nchʼon wi.

• Ri tzʼibʼanelaʼ majun achike ta xkewaj. E kʼïy tzʼibʼanelaʼ ri kichin ri chʼaqa chik wuj man nkibʼij ta toq nchʼakatäj ri kitinamit. Ja kʼa ri xetzʼibʼan ri Loqʼoläj Wuj majun xkewaj ta ri kimak chuqaʼ kimak ri kitinamit (2 Crónicas 36:15, 16; Salmo 51:1-4).

• Ronojel ri nubʼij nbʼanatäj. Ri Loqʼoläj Wuj jun 200 junaʼ man titzaq ri Babilonia toq xubʼij yan pe chi xtitzaq (Isaías 13:17-22). Man xa xe ta kʼa xubʼij pe ri rubʼanik xtitzaq chuqaʼ xubʼij rubʼiʼ ri xtitzaqon richin (Isaías 45:1-3).

  Ri Loqʼoläj Wuj e rubʼin pe chʼaqa chik bʼanobʼäl, konojel riʼ xebʼanatäj kan achiʼel ri bʼin pe chi kij. ¿Man ja ta riʼ najowatäj chi rij jun wuj ri petenäq rikʼin ri Dios? (2 Pedro 1:21).