Ri jaʼäl anaʼoj naʼän y ri ma naqasaj ta kiqʼij ri winäq, nuʼän chë yeʼachʼäk ye kʼïy

Taq jun ixjayilonel kan ütz runaʼoj, riʼ rkʼë jbʼaʼ xtuʼän chë ri rachjil xtrajoʼ xttamaj chrij Jehová. Ye kʼa, rkʼë jbʼaʼ xtbʼanatäj riʼ taq kʼïy chik junaʼ yaʼon pa kʼayewal pa ruwiʼ rma ri rachjil (1Pe 2:21-23; 3:1, 2). We rït najin nyaʼöx tijöj poqonal pa awiʼ xa rma riʼ, ma tatzolij ta rukʼexel, xa ütz anaʼoj tabʼanaʼ (Ro 12:21). We ke riʼ xtaʼän, riʼ xttoʼon chë rkʼë jbʼaʼ ri akʼlaj xtrajoʼ xttamaj chrij le Biblia.

Tatjaʼ aqʼij rchë nqʼax chawäch achkë rma ri akʼlaj ma kan ta ütz runaʼoj nuʼän awkʼë, tanaʼ achkë nunaʼ ryä y tayaʼ axkïn che rä taq ntzjon (Flp 2:3, 4; Snt 1:19). Takʼutuʼ ri naʼoj riʼ taq naʼän ri samaj kʼo pa awiʼ. Ma tikʼo ta akʼuʼx rkʼë ri akʼlaj y takʼutuʼ chwäch chë nawajoʼ. Y tapeʼ ryä ma kan ta ke riʼ nuʼän awkʼë, tjeʼ chwäch awan chë Jehová janina nuloqʼoqʼej ri naʼän (1Pe 2:19, 20).

TAQ XATZʼËT YÄN RI VIDEO JEHOVÁ NQRTOʼ RCHË NQKOWIN NQQʼAX CHKIWÄCH RI KʼAYEWAL, KEʼAQʼALAJSAJ RE KʼUTUNÏK REʼ:

• ¿Achkë wä rubʼanik ri rukʼaslemal ya Grace Li taq ma ja näj ta tkʼleʼ?

• ¿Achkë xbʼanö chë rä chë xrajoʼ xtamaj chrij Jehová?

• ¿Achkë xtoʼö ri qachʼalal Li rchë xkowin xqʼax chkiwäch ri kʼayewal taq xqasäx yän pa yaʼ?

• ¿Achkë xkʼutuj ri qachʼalal Li che rä Jehová chë tubʼanaʼ rkʼë ri rachjil?

• ¿Achkë utzil rlon ri qachʼalal Li rma kan jaʼäl runaʼoj chqä ma nuqasaj ta kiqʼij ri winäq?