¿Natzʼët rït achkë rubʼanik nuyaʼ pä Jehová ri nakʼutuj che rä?

Le Biblia nuʼij chë Jehová kan kʼïy mul xyaʼ pä chkë rusamajelaʼ ri xkikʼutuj che rä. Ri winäq riʼ xkitzʼët chë Jehová kan xchʼpü pä chkij chqä xerutoʼ pä, y ya riʼ kan xkowirsaj ri kikʼuqbʼäl kʼuʼx. Rma riʼ, ütz chë röj kan tqaʼij achkë nkʼatzin chqë taq nqchʼö rkʼë Jehová chqä tqatzʼetaʼ achkë rubʼanik nuyaʼ pä ri nqakʼutuj che rä. Ütz nqayaʼ pa qajolon chë Jehová rkʼë jbʼaʼ ma achiʼel ta rubʼanik qayoʼen röj kan ke riʼ rubʼanik nuyaʼ pä ri nqakʼutuj che rä; o rkʼë jbʼaʼ nuyaʼ pä más chwäch ri xqakʼutuj che rä (2Co 12:7-9; Ef 3:20). Tqatzʼetaʼ jojun rubʼanik ri nuyaʼ pä Jehová ri nqakʼutuj che rä.

• Chwäch jun kʼayewal, ryä nuyaʼ qachqʼaʼ, nuʼän chë ma nchʼakon ta ri bʼis chqij chqä nuyaʼ qakʼuqbʼäl kʼuʼx (Flp 4:13).

• Nuyaʼ qanaʼoj taq kʼo nkʼatzin nqaʼän (Snt 1:5).

• Nuʼän chë nqarayij nqaʼän ri qachʼobʼon chqä nuyaʼ qachqʼaʼ rchë nqaʼän riʼ (Flp 2:13).

• Nqrtoʼ taq kowan nchʼpü qakʼuʼx (Flp 4:6, 7).

• Yeruksaj ri nkʼaj chik rchë yojkitoʼ chqä rchë nkikʼuqbʼaʼ qakʼuʼx (1Jn 3:17, 18).

• Yerutoʼ ri winäq ri nqakʼutuj rutoʼik pa kiwiʼ (Hch 12:5, 11).

TAQ XATZʼËT YÄN RI VIDEO YË JEHOVÁ NKʼOXAN RI CHʼONÏK YEBʼAN, KEʼAQʼALAJSAJ RE KʼUTUNÏK REʼ:

• ¿Achkë rubʼanik ri bʼanatajnäq rkʼë ri qachʼalal Shimizu nukʼuqbʼaʼ kikʼuʼx ri qachʼalal ri kʼo kiyabʼil?

• ¿Achkë rubʼanik nqakʼän qanaʼoj chrij ri qachʼalal Shimizu?