Naʼoj rchë natjoj awiʼ

Tatzʼetaʼ achkë kʼo más ruqʼij chawäch rït

Röj ma nqkowin ta nqaksaj jontir ri tiempo nqajoʼ rchë nqatjoj qiʼ chrij le Biblia. Rma riʼ, ¿achkë xkatoʼö rït rchë kan pa rubʼeyal xtaksaj a-tiempo? Jun ri xkatoʼö ya riʼ kan ütz rubʼanik naksaj ri tiempo taq najin natjoj awiʼ chrij le Biblia. Más ütz yachʼobʼon chrij ri najin naskʼij chwäch ri kan kʼïy chqä kan chanin naskʼij jojun peraj.

Chrij riʼ tatzʼetaʼ achkë riʼ ri kʼo más ruqʼij chawäch rït (Efes. 5:15, 16). Ütz naʼän reʼ:

• Taskʼij ruwäch le Biblia ronojel qʼij (Sal. 1:2). Ri ütz naʼän ya riʼ naskʼij ruwäch ri capítulos ri xketzʼet chpan ri semana rchë qamoloj ri nbʼan chukojöl qʼij.

• Tatjoj äl awiʼ chrij ri xttzʼet chpan ri qamoloj, achiʼel chrij ri qawuj Ri Chajinel chqä chrij ri naʼoj xketzʼet chpan ri qamoloj ri nbʼan chukojöl qʼij. Kan ütz tatjoj äl awiʼ rchë xtayaʼ a-comentarios (Sal. 22:22).

• We kʼo más a-tiempo rchë natjoj awiʼ chrij le Biblia, tatjaʼ aqʼij rchë naskʼij o natzʼët ri nkʼaj chik naʼoj ri yeyaʼöx pä chqë, achiʼel ri revistas ri yejach chkë ri winäq, ri videos chqä jontir ri yeyaʼöx chpan jw.org.

• Tayaʼ chawäch nanukʼuj ruwäch jun naʼoj. Rkʼë jbʼaʼ ütz nakanuj jojun naʼoj chrij ri kʼayewal najin naqʼaxaj, chrij jun akʼutunik o chrij jun naʼoj ri kʼo chpan le Biblia ri nawajoʼ nqʼax más chawäch.