2023: Ma tqamestaj ta ri qayoʼen apü | ¿Achkë nuʼij le Biblia chrij riʼ?

Komä nchapatäj ri junaʼ 2023, jontir röj chqä ri qa-familias nqajoʼ nqïl ri ütz. ¿Achkë rma ütz nqakʼuqbʼaʼ qakʼuʼx chë kʼo jun ütz qayoʼen apü?

Le Biblia nuʼij chqë achkë qayoʼen apü

Le Biblia yeruyaʼ utziläj taq rutzjol. Nuʼij chqë chë ri kʼayewal yeqaqʼaxaj komä xa xkebʼekʼis chqawäch apü. Chqä nuʼij chë ri xetzʼibʼäx qa ojer chpan le Biblia «xetzʼibʼäx qa rchë nqrtjoj; rchë ke riʼ [...] rma ri kʼuqbʼäl kʼuʼx nqïl chpan ri Ruchʼaʼäl Dios, kan kʼo utzil xtqayoʼej apü» (Romanos 15:4).

• We nawajoʼ natamaj más chkij ri achkë yerutzüj le Biblia taskʼij ruwäch ri peraj “La esperanza real de un mañana mejor”.

Ri qayoʼen apü kan nqrtoʼ komä

Ri nutzüj le Biblia, ri qayoʼen apü, «kan achiʼel jun ancla» che rä ri qakʼaslemal (Hebreos 6:19). Ri qayoʼen apü nqrtoʼ rchë ma nuʼän ta kaʼiʼ qakʼuʼx, rchë yeqaköchʼ ri kʼayewal yeqaqʼaxaj y rchë chë kan rkʼë kiʼkʼuxlal nqaʼän jontir. Keʼatzʼetaʼ ri toʼïk kilon jojun winäq rma ri kiyoʼen apü:

• Tatzʼetaʼ chë ri nutzüj le Biblia xtoʼ jun achï rchë ma xqä ta chik chpan ri tijöj yaʼ. Tatzʼetaʼ ri video “Llegué a odiar la vida que llevaba”.

• Tatzʼetaʼ chë ri nutzüj le Biblia nqrtoʼ taq nkäm jun winäq ri janina nqajoʼ. Tatzʼetaʼ ri video Taq nkäm jun winäq ri janina nqajoʼ.

Tqakowirsaj ri qakʼuqbʼäl kʼuʼx rkʼë ri qayoʼen apü

Ye kʼïy winäq kiyoʼen chë ri kikʼayewal xa xkebʼekʼis, ye kʼa majun ta jun nbʼin chkë chë kantzij xtbʼanatäj riʼ. Ye kʼa ri nutzüj le Biblia ma ke riʼ ta nbʼanatäj rkʼë. ¿Achkë rma? Rma ri nutzüj le Biblia kan yë Jehováa bʼiyon pä rchë, ri Dios ri «ma nkowin ta nutzʼük tzij» (Tito 1:2). Xa xuʼ ryä kʼo uchqʼaʼ pa ruqʼaʼ rchë nuʼän jontir ri nuʼij; xa xuʼ ryä nuʼän jontir ri nurayij (Salmo 135:5, 6).

Rït ütz nakʼuqbʼaʼ akʼuʼx chrij ri nutzüj le Biblia. Röj nqajoʼ chë rït nanukʼuj ruwäch ri Ruchʼaʼäl Dios rchë nakowirsaj ri akʼuqbʼäl kʼuʼx (Hechos 17:11). ¿Nawajoʼ nakʼül jun atjonik chrij le Biblia? Ri tjonïk riʼ ma tojon ta. ¡Tachapaʼ ri junaʼ 2023 rkʼë ri kantzij kiʼkʼuxlal!