Teʼej tataʼaj, keʼitjoj apü ri iwalkʼwal

Röj, yoj kʼo chkikojöl winäq ri nkiʼij chë ri ütz xa itzel chqä chë ri itzel ya riʼ ri ütz (Is 5:20). Kan poqän nunaʼ qan rma nqatzʼët chë ye kʼïy winäq yekiʼän bʼanobʼäl ri nutzelaj Jehová, achiʼel taq kaʼiʼ achiʼaʼ o kaʼiʼ ixoqiʼ nkikʼwaj qa kiʼ. Ri kichiʼil pa tijobʼäl chqä nkʼaj chik winäq rkʼë jbʼaʼ nkitäj kiqʼij chkij ri qalkʼwal rchë yekiʼän bʼanobʼäl ri yekiʼän ryeʼ. Rma riʼ, teʼej tataʼaj, ¿achkë rubʼanik yeʼitjoj ri iwalkʼwal rchë nkipabʼaʼ kiʼ chwäch ri kʼayewal riʼ?

Tikʼutuʼ ri rupixaʼ Jehová chkiwäch (Le 18:3). Titzʼetaʼ jaruʼ kijunaʼ ri iwalkʼwal, ke riʼ nikʼüt äl chkiwäch achkë nuʼij le Biblia chrij ri sexo (Dt 6:7). Tikʼutuj qa reʼ chiwäch: «¿Nkʼutun komä chkiwäch walkʼwal achkë kinaʼoj kʼo chë nkiʼän taq ye kʼo rkʼë jun kʼajol o rkʼë jun qʼopoj? ¿Kitaman komä chë kowan rejqalen chë pa rubʼeyal nkiwäq kiʼ? ¿Qʼaxnäq chik chkiwäch ri walkʼwal chë ri nkʼaj chik kʼo chë ma nkiyüj ta kiʼ rkʼë ri nkajoʼ nkiʼän? Y ¿kitaman chik achkë ütz nkiʼän we kʼo jun winäq nrajoʼ nukʼüt pornografía chkiwäch o nukʼutuj chkë chë tkiʼän jun bʼanobʼäl ri ma ütz ta?». We iwalkʼwal kitaman chik chrij jontir riʼ, ma xtkitïtzʼ ta kiʼ pa jun kʼayewal (Pr 27:12; Ec 7:12). Taq yeqatjoj apü ri qalkʼwal, nqakʼüt chë nqaloqʼoqʼej ri spanïk ruyaʼon qa Jehová chqë (Sl 127:3).

TAQ XATZʼËT YÄN RI VIDEO TQAKOWIRSAJ KIKʼUQBʼÄL KʼUʼX RI QA-FAMILIA. KEQACHAJIJ RI QALKʼWAL CHWÄCH RI MA ÜTZ TA, KEʼAQʼALAJSAJ RE KʼUTUNÏK REʼ:

• 

  ¿Achkë rma kan kʼayewal nuʼän chkiwäch jojun teʼej tataʼaj yetzjon chrij sexo kikʼë ri kalkʼwal?

• 

  ¿Achkë rma ri teʼej tataʼaj kʼo chë yekitjoj ri kalkʼwal «rkʼë ri pixabʼanïk chqä ri naʼoj yeruyaʼ Jehová»? (Ef 6:4).

• 

  ¿Achkë samajbʼäl ruyaʼon pä rutinamit Jehová chkë ri teʼej tataʼaj? (w19.05 12).

• ¿Achkë rma ri teʼej tataʼaj chaq taqïl kʼo chë yetzjon kikʼë ri kalkʼwal loman majun ta kʼayewal kilon?