Q-OK UTZILÄJ TAQ TIJONELAʼ | TANAʼ MÁS KIʼKʼUXLAL TAQ NATZJOJ LE BIBLIA
Keʼatoʼ atijoxelaʼ rchë yebʼä pa qamoloj
Ri moloj yebʼan pa congregación ya riʼ jun rubʼanik ri kan kowan rejqalen rchë nqayaʼ ruqʼij Dios (Sl 22:22). Jontir ri yeʼapon pa qamoloj rchë nkiyaʼ ruqʼij Jehová kiʼ kikʼuʼx nkiʼän chqä nkïl kʼïy utzil (Sl 65:4). Ri tijoxelaʼ más chanin nkowïr ri kikʼuqbʼäl kʼuʼx taq ronojel mul yejeʼ pa qamoloj.
¿Achkë rubʼanik yeʼatoʼ atijoxelaʼ rchë yejeʼ pa qamoloj? Chaq taqïl taʼij chkë chë yeʼayoʼej. Takʼutuʼ re video reʼ chkiwäch ¿Achkë yebʼan pa qamoloj? y taʼij chkë achkë utzil xtkïl we xkebʼä (lff tjonïk 10). Ütz natzjoj jun naʼoj chkë ri xatamaj chpan jun qamoloj chqä achkë xttzjöx chkipan ri nkʼaj chik moloj. Tayaʼ ri publicaciones chkë ri xkeʼuksäx o takʼutuʼ ri peraj «Reuniones» chkiwäch ri kʼo pa JW Library®. Keʼatoʼ rchë yebʼä pa qamoloj, rkʼë jbʼaʼ ütz yabʼaʼ chkikʼamarik. Taq atijoxel xtbʼä naʼäy mul pa qamoloj, xtatzʼët chë jontir ri xaʼän kan kʼo xkʼatzin wä (1Co 14:24, 25).
TAQ XATZʼËT YÄN RI VIDEO KEQATOʼ RI WINÄQ RI NAJIN YEQATJOJ CHRIJ LE BIBLIA RCHË YEBʼÄ PA QAMOLOJ, KEʼAQʼALAJSAJ RE KʼUTUNÏK REʼ:
¿Ajän riʼ taq ya Rita xtzʼët chë ütz nuʼij che rä ya Rubí chë tapon pa qamoloj?
¿Achkë rma kan ntel qakʼuʼx taq jun winäq ri najin nutjoj riʼ chrij le Biblia napon pa qamoloj?
«Dios kantzij kʼo chikojöl rïx».
¿Achkë xnaʼ ya Rubí taq xapon naʼäy mul pa qamoloj?