SĀ TINRĪKEN KRISTĪÖN
Lēn Öm Ngaich, Yěi Kihngen Taneūngen Min Töm Pësa?
Yēḵ hī meuk në kanihngen ikūö në panam möthë i alaha ngam kanihngen tö rupīö ngaich öt pingangkūö ayī-ö. Kūö yòh? Kūö hī öi akahakūö töre el ngih manā-aṅ sakāmö ngaich hang ngam inlēnöre inrē ayī-ö töngam Paipöl “hòṅ cha inrē nö öt i nup töt kamngu kanôlò ellōn nö meūka.” (1Ti 6:17; 2Ti 3:1) Haköplu in min in Rācha Yēhōsafāt öi sitih inlahen hīnöre yěi hakten min tö rupīö.
Ik sā nuk tahëng panam nö hòṅ kiyung ngam panam Yūta ngaich hayönglenre ang Yēhōsafāt nö in Yāvē. (2Kin 20:9-12) Hīnöre inrē anga-aṅ. Tö sā ò nö vīlö nuk chūök kumyung nö im panam Yūta, ṙāten yik kumyung inrē nö in nuk kamngö cha. (2Kin 17:1, 2, 12, 13) Ngatī in inrē ayī-ö mihôiṅ öi asīken Yēhōsafāt öi hayönglenre in Yāvē ngaich hīnöre inrē.
NGËICHKÖ NGAM VITIŌ NGAICH ÖM HÖÖNGÖRE TÖ NUP TÖ FALTÖRE YANĪHI PINLĀNGEN? NGAICH KĒTÖ SANAPṘÔ NË INTÖÖNÖ:
Sitih inlahen öi mihôiṅ hīnöre tö nup tö faltöre kanihngen?
Sitih inlahen öi mihôiṅ hīnöre yěi hòṅ hayööken yip tahëng?