Hīnöre, Manāngen Ngih “Manā-aṅ Sakāmö” Ön Ngih Ṙētak”

Ṙuöhlöre ṙòken min në kanihngen, kūö ngih rētak nö manāngen ngih “manā-aṅ sakāmö.” (2Tim 3:1; Mët 24:8) Urēhěkūö u pöri nö yih, hachōtö inlahen hī ngam söngkötön öi laklöre tö u, sā minë ṙanööingö, kumyeūnö inrē. Hòṅ löktökūö ingih ṙētak ayī-ö hangönlöm innôlö re in Yāvē. Yēḵ hī hīnöre töngamuh, laklöre min ayī-ö tö nup yamih kanihngen.—Lū 16:10.

• Hangönlö ngam innôlö re in Yāvē: Harunöre man örheūheu vë-ekūö Paipöl haköpmat e inrē. Harunöre tö nup töṙōlkangen talöökö tī hī ahangköm tölöök inhānga. Um vöö töre, yěm rahëichtaṙen sin öt meukkūö yip holmaneuk re. (Isa 30:15) Tön umuh nā Yāvē nā Yēsū nö holtöṙah meh.—od pěch 176 përa 15-17

• Kě-ělkūö alahare: Lēnö tī töp kasòng, tö aṅhavö tö mak, nya-aṅkūö, lanë-en tö nup tö sā u inrē, tö yöölen tī min tö meh amahköhten ip chūök meh hanyatlöre hē nup töng faltöre kanihngen.—Inch 22:3; g17.5-HI pĕch 4, 6

NGËCHKÖM VITIŌ KIĀ ĀP KUTRÖTĪ ĀFÖT KĀ SAMNĀ KÖRNË KĒ LIYĒ TÖIYĀR HEI? NGAICH SAPṘÔ NË INTÖÖNÖ:

• 

  Sitih inlahen öi kò-òren hangön ngam innölö re in Yāvē urēhěkūö yanīhih nup kanihngen?

• 

  Kūöyòh öi . . .

  • ötkô ṙāngôre vë-ekūö yip minröinylen yěn ōt nup töfaltöre kanihngen?

  • hòṅ halēnkö öp pëk tö aṅhavö tö nup töt ṙanāngen chehen?

  • hòṅ vë-engkūö höö tö aṅ patī re tö inlahen re min yěn amahaiṙen nup kanihngen nö yih?

• 

  Asuh nup tölūöi kangen, tī hī mihôiṅ hayööken yip holre tö kihngen?

HATÖÖNÖRE MAN, ‘Asuh öp haköplö chu tī ngam invah COVID-19 i alaha ngam hinīnö re?’