Havanlö Ngam Tö Pasūḵ Innôlö Re In Yāvē

ṘAMLŌN in yěi meuk nup sīṅp ngam Tēv yěn havanhötvö hēk nö el ngam māṅ. Asëhkūöre man töm “ṙanamlōn min nö el halīöngö” yěn hěngtak mahavantöre! (Lūk. 15:7, 10) Yēḵ meh më-eṅ öm in cha yip mahavantöre nö in Yāvē, mihôiṅ më-eṅ ṙinātu ellōn tö ò, tö Yēsū hēk tö yip ma-ahānga inrē nö ṙamlōn nö meukö meh. Ōt pöri min kò-òren nup kanihngen meh yěm havantöre in Yāvē. Nup tö sitih, hēk sitih inlahen më-eṅ kô-òren öm la-al u?

ASUH NUP MIN KANIHNGEN MEH?

Pōyen yip tö köptī tö nup miṙivlōn re tö kūö nuk fālen re, pòrô ngaich cha-a nö havan nö el ngam māṅ. Ngatī mufē takô ang Rācha Tāvit, pòṙô nö aṙēlöng nuk tökööl ò, sön anga-aṅ nö ngö ṙô: “Kò-òngvah chin tökūö në tököölre.” (Sal. 40:12; 65:3) Ha-uknyu ang Isapēl nö 20 samyeūheu rô-òtena, ngö ṙô anga-aṅ, “Kihngen chū-ö öich ṙātö-ellōnre tö Yāvē nö mihôiṅ nö aṙēlen chu.” Yēḵ meh pöri min köptī tö miṙivlōn re, mihôiṅ min tö kūöṅnngöre ngam ṙinātö-ellōn meh. (Inch. 24:10) Um halöngngen re ngatī inlahen.

Lohten yip tahëng inrē nö ngö lōn tö cha min nö kihngen nö havanlö ngam innôlöre hēk nö in Yāvē. Ngatī mufē ang Antonī unôichrit inlaha ò nö havanhötvö, ngö ṙô anga-aṅ, “Sā tö vaichngö chū-ö tö nuk tinrīken re öich Kristīön tö lā urěh.” Angū-ö kò-òren mufē hī nö lāinyngen hī mihôiṅ kihngen kētöre in minë la-en ngam Tēv.

Töi hachōḵ elmat re, töp tarik tö pala-aiṙen patī tö kuö öp tökalēḵ chanôchö. Lohten anga-aṅ nö kihngen elmat tö inlahen tī re hēk nö havanlö vinī-i ngam patī re. Ngatī ngòh tarik tö pasu-utī tö ngam innôlö re nö in Yāvē kūö minë fālen re, nö akahakūö tö ṙôken nup la-en re min yěn hòṅ havanlö inlahen re nö hanôlö Yāvē. Ōt pöri ngam inyööken ò.

Havëten hī ang Yāvē nö ngö ṙô: “Tā-ih, töi ve-ekūöre.” (Isa. 1:18) Ngaich më-eṅ öm rēhěre öm vë-ekūö Yāvē öm sā mahalööktit minë tö pasūḵ nö ihôi nā. Ṙamölōn ang Yāvē nö meuk inlahen meh. Pön heuveū-eu ṙô min anga-aṅ nö sapṙô ngam Sī-ö ngam samūöchlö fālen ò!—Inch. 27:11.

Ṙūöhtöre më-eṅ öm in Yāvē, ngaich ngatī min anga-aṅ nö ṙūötöre nö in meh. (Yāk. 4:8) Hö-ö pöri nöng angū-ö tölngö inlahen meh, tön hòṅ asīöp ngam hanāngenlōn re më-eṅ tö ngam Yöng re hēk ngam Hol re inrē, ang Yāvē. Öm sitih inlahen pöri?

KĒKÖ NUP TÖNG KANÔ-ÒRE LA-EN

Sā ngam patī tö fukngö tö kūö chanôchö, höng köp pöri nup rööntö machööḵlö e. Ngatī inlahen ngam mikahkūö meh tö Yāvē tö minë kinlēḵngô ò inrē nö ṙòngmö köp nö in meh. Asuh pöri öp tö hòṅ ngëichka tö meh? Minë la-en hī öi Kristīön tö sā ngam inhānga, hēk innôlhötre in yip holmaneuk re. Kò-òren ngëichken në inrē.

Örheūheu vë-ekūö Yāvē. Akahakūö ang Yāvē tö meh min öt lööṙen vë-eny nup ṙô ellōn re, kūö miṙē-ěv meh tö nup fālen re. (Rōm. 8:26) Sön pöri më-eṅ höng hòṅ, “iṙūöhen köp im vinë-ekūötēv,” ngaich vë-eny nang Yāvē töre öm hòṅ havantöre chuh in ò. (Rōm. 12:12) Ngatī inlahen ang Ānrē ngaich yöölen. Ngö ṙô anga-aṅ: “Örheūheu chū-ö öich haṙivölōn yěch fēkö nup vanaichö re. Höhlö pöri chū-ö yěch vë-ekūötēv. Teūngen inrē chū-ö tö lanāmö elkuilōn re.” Yēḵ meh pöri öt akahakūö tö nup ṙô re vë-ekūötēv, ngaich mihôiṅ öm ngëchkö ṙô Rācha Tāvit misī nö vë-ekūötēv imat ngam Salmai 51 hēk 65.

Örheūheu haköpmat ngam Paipöl. Angū-ö min ngih mahangönlö ngam ṙinātö ellōn meh in Yāvē, asīöp ngam hanāngenlōn meh inrē tö ò. (Sal. 19:7-11) Ngö ṙô ang Filipē, “Kūö chu höng hēṙu haköpmat ngam Paipöl, lökten nö öt ngön ngam ṙinātö-ellōn chu nö in Yāvē. Sō chū-ö hēk öich ngatī inlahen, lökten chin ngaich örheūheu haköpmat ngam Paipöl.” Mihôiṅ man më-eṅ inrē ngatī inlahen. Yēḵ meh hòṅ hayöökaṙen chöh nup haköp re, ngaich mihôiṅ öm kēḵ inyööken re i yip holre tö ngönö ṙinatö-ellōn nö in Yāvē.

Havantö inlahen re hanôl yip prötör sistör. Ōt in yip mahavantöre tö ngö lōn, sitih mufē yip vöh min hol chu yěn meūkö chu havantöre. Vë-eny mufē re ang Lerisā nö ngö ṙô, “Aṙē-ěvö chū-ö pöich afēkö inlahen re miṙivngölōn më holmaneuk re.” Köpölōn pöri më-eṅ tö më minṙöinylen nö hòṅ hayööken meh nö hangönlöm ṙinātö-ellōn meh in Yāvē. (Ngëchkö ngam pòks “Asuh Nup Kò-òren La-en Më Minṙöinylen?”) Ṙāmölōn cha-a nö meukö meh havantöre, lōnu inrē tö meh öm ṙamölōn!—Inch. 17:17.

Sitih inlahen öm rih min hēk mihôiṅ hanôltöre in më holmaneuk re? Kētöre öm in minë la-en linökö lōn Yāvē. Tö sā në: chuh el mīting, ahangköm tölöök inhānga. Asuh min nup yanöölen meh tī u? Vë-eny nang hī Felik nö ngö ṙô, “Ṙòkhöre më prötör sistör nöng hökken chu öich havantöre el ngam māṅ. Akahaiṙen chū-ö töm hanangenlōn cha tö chu. Hayööken chu cha-a öich havantöre in Yāvē öich löklōn ò.”—Ngëchkö ngam pòks “Asuh Nup Mihôiṅ La-en Meh?”

UM CHEINGÖ!

Öt ṙā-angtīre ngam Sī-ö nö kētö “kanihngen” hī, pön sōten hī öi havantöre chuh in Yāvē. (Lūk 4:13) Lökten öi hòṅ iṙūöhen hangönlöm ṙinātö-ellōn re in Yāvē.

Kilēḵngôre ang Yāvē nö in hī: “Chöh töchatngen chin min, kētö tölō-ongkūö chin min inrē, hangëkö tötkalē-en chin min.” (Isi. 34:16) Ngaich nö pōyen yip tö hayöökaṙen tö Yāvē nö havantöre nö chuh in ò. Mihôiṅ ayī-ö ṙinātu-ellōn tö Yāvē min nö hayööken hī hangönlöm innôlö re in ò.

Asuh Nup Kò-òren La-en Më Minṙöinylen?

Pōyen tī yip minṙöinylen nö hayööken yip pöplisör mahavanhötre nö havanlö ngam innôlö re nö in Yāvē. Töi ngëichkö minë tö mihôiṅ nö tī nö hayööken cha.

Hareuskö alaha cha. Akahakūö ang Pôl tö ngam tarik mahavantöre nö in Yāvē min nö, ‘ngeūktu tö kūö yöng miṙivlōnre.’ (2 Kòr. 2:7) Kalēḵě miṙivlōn hēk miṙē-ěvö min anga-aṅ. Lökten ṙô Pôl nö halēn: “Aṙēlen ò, hangëḵken ò inrē.” Yip mahavan nö el ngam māṅ, hòṅ ṙinātu ellōn cha-a tö Yāvē hēk tö yip holmaneuk re inrē nö hanangenlōn tö cha. Yěn örheūheu yip minṙöinylen nö eūḵ nup tövai la-en cha hēk hayööken cha inrē ngaich öt löktu cha-a nö haṙivlōn.

Hol ṙô cha nö vë-ekūötēv. “Pōyen taneūngen an ngam vine-elkui ṙô ngòh tölöök tarik.” (Yāk. 5:16) Ngöṙô ang Lerisā ngam tö kakka taheui: “Vë-eny minë pinṙūtö lōn re chū-ö öich in më minṙöinylen. Vë-ělkui chu ngaich cha-a. In e mikahlōn chū-ö tö cha nö öt kunyaha lōn nö in chu, hòṅ hayööken chu pöri cha-a öich havantö ngam innòlö re in Yāvē.” Ngöṙô inrē Tiyō: “Ik sā yik minṙöinylen nö vë-elkui chu, ngönlöre ngam ṙinātö-ellōn chu tö Yāvē nö hāngenlōn tö chu. Öt ngëichkö minë vanaichö chu anga-aṅ pön höng ngëichkö minë tölöök nö in chu .”

Hanôlö cha. Hòṅ hanôlö yin më töhavanhötvö nö el ngam māṅ. Hěngtak öp i minṙöinylen tö Chöstin minë-eny ngö ṙô anga-aṅ: “Holröön cha nö ahānga hēk chöhken cha inrē chuh patī cha, pön angū-ö ngih ṙētak cha takô nö hòṅ hanôlö.” Ngö ṙô hēk ang Hënrī ngam tahëng minṙöinylen: “Yěn meuk inlahen më minṙöinylen min yip prötör sistör nö hanôl ngam mahavan, ngaich mihôiṅ min cha-a nö asīnken cha.”

Hayööken cha nö irūöhen in ngam inköpö. Cha-a yip töngönö ṙinātö-ellōn yip tömihôiṅ nö ṙūöhlö alaha ò nö haköp. Ngöṙô ök ihih minṙöinylen tö Tarkō minë-eny: “Ṙamölōn chū-ö yěch vë-eny nup töpōiṙāi haköp re öich in cha. Meukö chu cha-a öich teūngen tö ṙanamlōnre re. Holṙô cha inrē chu-ö öich haköp minë ātiköl tö reuslöre alaha tī.” Hěngtak öp i hēk minṙöinylen Klētön minë-eny ngö ṙô anga-aṅ: “Tölṙô cha chu-ö nö haköp inlahen yip tarik aṅ mat ngam Paipöl, yip tö sā inlahen ò hēk kē haköp re inrē nö in e.”

Miṙūötṙen tö cha. Yěn fāluṙen öp töhěng tak tarik ngaich vītöre më minṙôinylen nö sā kamhôka. Yēḵ ò pöri nö havanhötvö, ngaich hòṅ sā inlahen öp yōm sīṅp më minṙöinylen nö chumkūöṙen tö ò. (Yar. 23:4) Hòṅ chumkūöṙen nö hangihtöre tö ṙô ò, eūḵ nup tövai inlahen ò. Örheūheu inrē nö vë-ekūö ò. Ngëickö inlahen prötör Markös yěn chöhken yip töngatī: “Vë-eny öp töhěng īhö ṙô imat Paipöl ngaich kakken e, eūk nup tövai inrē la-en ò, hěnghöre vë-eny ṙanamlōn re inrē tö cha nö havantöre nö in Yāvē . Ngaich vë-eny öp ṙētak re min hēk öi havan röön re ò.

a Harīki minë minë-eny imat ngih ātiköl.