YĒḴ MEH HAVANRÖÖN RE
LESÖN 7
Um Ṙāngenre
Lökngörit Chööngö: “Öt ṙākenre [cha-a] nö haköphöti, mumkahten inrē.”—Inl. 5:42.
Sitih Inlahen Ök Pôl
1. Meuk ngam VITIŌ, hönglöö vë-evkūö ngam Inlahen 19:8-10. Ngaich fēkö në intöönö:
a. Sitih inlahen ök Pôl ik sā yik tarik nö sōḵ nö hang ṙô ò?
b. Ām van ang Pôl nö chuh in yik tö hōḵ nö hang? Irô-òten anga-aṅ nö ngatī inlahen?
Asuh Öp Haköplö Hī In Pôl?
2. Hòṅ kētö ṙētak re takô ayī-ö hēk ötkô inrē öi ṙākenre öi chöhken yip tarik yēḵ hī öi lōnu tö cha nö hang ṙô hī hēk hōḵ inrē nö haköpmat ngam Paipöl.
Sitih Inlahen Öi Min Asīnken Pôl
3. Öp ṙētak ngam tarik min nö ōt, hē e öm chuh in ò. Hatönöre öm ngö ṙô: ‘Asuh öp tölöng ṙētak chu öich vë-ekūö ò? Ihēṙu lōn ang tö chu öich vë-ekūö ò, hēk isuh kamngö inrē?’ Pòrô nö ōt öp sanānngen meh ip ṙētak lōn ngam tarik nö hòṅ meukkūö meh, sön öm hòṅ kē-ěny ṙētakre chuh in ò. Hīnöre öm haṙīngö minë setiūl re.
4. Lēnngö tī töm ṙētak re min hēk öm meukkūö ò. Örheūheu öm halēnngö öp ṙētak nā min hēk an meukkūöre. Ngaich öp ṙētak halēnngö meh, hē e öm hòṅ chuh in ò .
5. Um ṙā-ang lōnre. Yěn öt ōt öp tarik nö i patī hē meh chöhken ò ngaich um ilöö ngölōn tö ò nö öt ööire nö hang ṙô meh. (1 Kòr. 13:4, 7) Iṙūöhen pöri öm chöhken ò, hòṅ löngö tī pöri inrē öm yūs ngam ṙētak re.—1 Kòr. 9:26.