Haköphöti Lökten Inup Inchōḵoṙô

Im invanröön chinööha töm inköptö Paipöl, hòṅ hayööken yip vahëny nang re ayī-ö nö akahakūö tö nup tökatöllöng töhaköpö. Lökten inup inchōḵoṙô öi mikahtö elnang cha, hòn lökngöre ellōn cha-a köpölōn inrē.

Yěm halēn ngam invanröön chinööha töm inköptö Paipöl, mikahngö nup tökatöllöng töhaköpö më-eṅ. Ngaich chöh nup tö lööṙen inchō-oṙô, nup töng mikahkūö öp hamang. (Mët 5:14-16; Māk 2:21; Lū 14:7-11) Chumkūöṙen më-eṅ töm vahëkūöre, ngëichkö nup ööilōn ò ngatī tī öm kētö inchōḵ elmat ò. (Lū 5:2-11; Yôh 4:7-15) Ṙamölōn man min yěm meuk ngam haköptöre nö ṙamölōn kūö òn akaha elnang tönup haköp re.

NGËCHKÖM VITIŌ SHISYÖ PÖNANE KĒ KĀM SĒ KUSĪ PĀIYĒ—ÖPNĀ HUNÖR PARAIYĒ—MISALËṄ TĒKÖR MUKIÖ MUTTĒ SAMCHAIYĒ, NGAICH SAPṘÔ NË INTÖÖNÖ:

• 

  Kūöyòh öp haköptö meh nö hòṅ mikahtu elnang tö nup haköp re im Paipöl?

• 

  Asuh ök inchō-oṙô Nitā nö mikahtö elnang Krēs töm Rōma 5:12?

• 

  Sitih inlahen minë tölöngta inchō-oṙô nö lökngöre tī töm hamang ṙô hī?

• Kūöyòh öi hòṅ yūs nup vitiō tö nup tahëng inrē chehetī mahaköphöti yěi ahangköm tölöök inhānga?