Holtö Kumlēḵlōn Re Haköphöti

Yēḵ hī holtö kumlēḵlōn re haköphöti, yīhi kumlēḵlōn min yip töhaköptu tö hī. Akahakūö cha-a min tö ngam vahënyö hī nö töpōiṙāi. Pòrô in kö harīkngöre ëlô, harīkngre inruklö, sön mihôiṅ öi asīöp ngam kumlēḵlōn re öi haköphöti. (Rōm 12:11) Öi sitih inlahen?

Ngam raneh, hòṅ akahakūö ayī-ö tö minë inköphöti aṅ in hī nö töpōiṙāi. Ayī-ö tö kē-ěvkūö tö ngam “tölöök inhangkö tölöök.” (Rōm 10:15) Innëtö, afēkö yanöölen yip haköptö hī, yēk cha min nö akahakūö tö e. Lökten cha nö hòṅ vënyunang. (Rōm 10:13, 14) Ngam linūöyö, holtö kumlēḵlōn re öm vënyen u. Hòṅ meūkö angū-ö nö im arëkūö meh.

NGËICHKÖM VITIŌ SHISYÖ PÖNANĒ KĒ KĀM SĒ KUSĪ PĀIYĒ—ÖPNĀ HUNÖR PÖRAIYĒ—CHŌSH SĒ SIKAIYĒ, NGAICH SAPṘÔ NË INTÖÖNÖ:

• 

  Kūöyòh nö ufovngöre kumlēḵlōn ang Nīta?

• 

  Asuh ök mahayööken Nīta nö asīöp ngam kumlēḵlōnre?

• 

  Kūöyòh öi hòṅ ngëichkö nup tövai tinrīken yip haköptöre?

• Asuh öp lanökngöre yip haköptö hī yěn meuk ngam kumlēḵlōn hī?