Minë Yamih Tahëng Ātiköl Im Chūökamahati

Pōyen yip pöplisör lömöktö in ngam JW Laëprërī nö prīpër minë mīting, lööṙen cha-a nö chöh nup ātiköl nö im Chūökamahati ngam töhakööpö nö im manā-aṅ röön ngam afta. Ōt pöri inrē minë tahëng ātiköl tö kētu nö in ngam Chūökamahati ëtisön. Ōt inrē minë tövai minkahtölōn lamökngörit in ngam Paipöl. Sitih inlahen öm mihôiṅ vīnyö kūö ngih ātiköl el ngam JW Laëprërī hēk haköpö e inrē?

• Kētu ön ngam “Tahëng inrē töhakööpö” nö la taṙeū minë tö-örheūheu ātiköl im Chūökamahatī. Ngam lātaṙeū hēk link tö kētu “Minë tahëng hēk töhakööpö” om klikö e. Ngaich meutnyi min minë kui minë töhakööpö ātiköl nö holtö minë nömpör re. Rö-ö nöng angū-ö pöm mihôiṅ inrē öm klik ngam kui töhakööpö yěm hòṅ haköp minë tahëng ātiköl.

• In ngam seksön “Tö Tufömngöre,” im Raneh Mufehe (Home) el ngam JW Laëprërī öm taōnlōt nup tufömngöre Chūökamahati töhakööpö. Ngaich ṙòngnyö kūö ngam kui minë töhakööpö öm ngëichkö minë ātiköl, hòṅ meh öm keuheūtlöre ṙô öm vë-ekūö u.