Ang mga Kabataan Nameligro Ba?

PILAY makuha sa bata gikan sa komersiyal sa telebisyon? Daghan kaayo, sumala sa pedyatrisyan si Dr. Percy Barsky sa Winnipeg, Canada. Ang kaamgohan miabot, miingon ang “The Toronto Star,” sa dihang gisultihan si Barsky sa usa ka tres-anyos nga bata nga siya gusto sa “kinataposang hinagiban” alang sa Pasko. Ingong resulta, ang Public Action for Children’s Television naningkamot nga ang tanang anunsiyo sa dulaan diha sa telebisyon idili. “Ang mapintas nga mga dulaan” makasanay ug kapintasan, miingon si Barsky. Nagtaho sa usa ka surbi nga gihimo sa Cancer Research Campaign sa Glasgow, Scotland, ang “The Times” miingon: “Ang mga bata nga sayis anyos pa mao ang ilabinang maipluwensiyahan sa anunsiyo sa tabako kay sa naamgohan sa mga hamtong.” Diha sa duha ka kaso ang kapeligrohan dayag, apan asa man nasandig ang sulbad? Siyempre sa mga ginikanan, kinsa mao ang kinataposang may responsabilidad sa kaayohan sa ilang mga anak pinaagi sa pagbantay sa ginatugot kanila nga tan-awon diha sa telebisyon.