Pamaligya sa Sekso

“SA Pransiya,” ang magasing “Time” nagkanayon, “nagkadaghang mga tigpaanunsiyo migamit sa tema bahin sa sekso.” Mikutlo gikan sa tigpaanunsiyo sa London, ang artikulo mipadayon: “Ang erotisismo nahimong bahin sa hinagiban sa mga tigpaanunsiyo, apan sa Pransiya sobra ra kaayo kining gipasiugda.” Sa Brazil, sa dihang gipakita ang pagkahubo diha sa telebisyon aron sa pagpaanunsiyo sa jeans, gitagna sa tago nga mosaka sa 30-porsiento ang halin. Ang parliamento sa India, sa kasukwahi, miaprobar ug balaod nga nagdili sa paggamit sa mga babaye ingong mga simbolo sa sekso sa bisan unsang porma sa paanunsiyo. Sa Tinipong Bansa usa ka hangin sa kausaban daw mihuyop—pinaagi sa komersiyal nga telebisyon. “Gustong pakataw-on kita sa mga tigpaanunsiyo dili aron pukawaon ang atong kailibgon,” mitaho ang “Daily News,” mikutlo sa pagsuportar sa usa ka surbi sa mga pumapalit nga nagbutyag nga sa napulo ka paborito nga paanunsiyo sa telebisyon, lima maoy pakatawa ug walay usa nga dunay seksuwal nga tema.