Mga Tigom nga Motabang Nato sa Paghimog Tinun-an
SEMANA SA PEBRERO 5-11
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ibutyag ang mga kahikayan sa pag-alagad sa kanataran alang sa semana.
20 min: “Ikaw ba Makaoksilyare Payunir sa Marso ug Abril?” Kobrehan sa pangutanag tubag. Palig-ona ang tanang motambong sa miting uban sa malaomang mga katabang nga payunir sa sunod semana.
15 min: Interbiyuha ang pipila nga nagaplano sa pag-oksilyare payunir sa Marso ug Abril. Giunsa nila sa paghikay ang ilang eskedyol? Suknaa kon nganong maayo kaayong mga bulan kini sa pagpayunir. Dasigang tanang makaarang sa pag-aplay gilayon. Hisgoti kon pila ang nag-oksilyare payunir sa kongregasyon sa miaging Abril ug dasiga ang mas pa sa pagpayunir niining tuiga.
Awit 32 ug paniklop nga pag-ampo.
SEMANA SA PEBRERO 12-18
10 min: Lokal nga mga pahibalo. Taho sa kuwenta. Ilakip ang balos-pasalamat sa Sosyedad sa tanang amot nga natala sa kinaulahiang statement. Dayega ang kongregasyon sa materyal nga suportar sa buluhaton sa Gingharian sa lokal ug sa tibuok kalibotan.
15 min: “Pag-atiman sa Binhi sa Gingharian.” Pangutanag tubag.
10 min: Pag-andam Alang sa mga Balikduaw. Panaghisgot: Ansiyano ug duha o tulo ka takos nga mga magmamantala maghimog praktis sesyon aron tagdon kon unsa ang ilang igasulti sa dihang maghimog mga balikduaw niadtong nagpakitag interes.
10 min: Pakigpulong sa “Kon Unsa ang Kahulugan sa Pagkahimong Kristohanon.” Kini gayod ipasukad sa materyal diha sa Insight, Tomo 1, mga panid 440-1. Ipasiugda ang importansiya sa pagsunod sa panig-ingnan ni Jesus sa gugma ug sakripisyo-kaugalingon.
Awit 168 ug paniklop nga pag-ampo.
SEMANA SA PEBRERO 19-25
10 min: Lokal nga mga pahibalo. Teokratikanhong mga Balita.
20 min: “Pagtanyag sa Maayong Balita—Pinaagig Epektibo nga Paggamit sa Tracts.” Pangutanag tubag. Sa dihang tagdon ang mga parapo 5 ug 6, ilakip ang duha ka pasundayag nga nagapakita kon sa unsang paagi ang ‘tracts’ nga (1) Kinabuhi sa Malinawong Bag-ong Kalibotan ug (2) Kon Nganong Ikaw Makasalig sa Bibliya mahimong magamit ingong bahin sa introduksiyon. Dili kinahanglang himoon ang interong presentasyon apan yanong ipasundayag ang paagi sa paghimog pagsumpay ngadto sa Ulohan nga Mahisgotan.
15 min: “Bag-ong nga Basahong Giluwatan Makaabag Kanato sa Pagbansay Uban ang Diyosnong Debosyon.” Madasigong pakigpulong nga nagapalig-on sa tanan sa pagkahimong bug-os nga masinati sa bag-ong mga basahong giluwatan. Mahimong maglakip sa usa o duha ka piniling mubong mga pahayag sa apresasyon gikan sa mga igsoon nga mibasa ug migamit sa bag-ong mga publikasyon.
Awit 188 ug paniklop nga pag-ampo.
SEMANA SA PEBRERO 26–MARSO 4
5 min: Lokal nga mga pahibalo.
15 min: “Pagpauswag sa Atong Pagkaepektibo Ingong mga Ministro.” Pangutanag tubag. Sa dihang tagdon ang parapo 4, ilakip ang duha ka mubong pasundayag sa gisugyot nga pasiuna sa mga parapo 5 ug 6 sa panid 16 sa Hulyo 15, 1988 nga Bantayanang Torre. Kini gayod isulti diha sa sinsero ug positibong paagi.
15 min: “Sa Unsang Paagi Makasukol Ako sa Pagpit-os sa Isigkaingon?” Takos nga ansiyano sa mataktiko mohisgot sa mga puntos gikan sa kapitulo 9 sa librong Mga Batan-on Nangutana uban sa duha ka sumbanang batan-on. Ilha nga ang tinguha nga mahimong popular ug dawaton sa mga isigkaingon maoy kusganon. Bisan ang mga hamtong maapektahan man sa maong pagpit-os. Nahimo bang sayon alang sa mga batan-on sa pagsagubang niini? Sa unsang paagi nga sila nagmalamposon sa pagsukol niini? Gamitang “Mga Pangutana nga Mahisgotan” sa panid 80 aron pasultihon ang mga batan-on ug ipakita ang paagi nga posible sa pag-ugmad ug kalig-on aron makabarog sa pagpit-os sa isigkaingon. Ibutyag ang apresasyon alang sa maayong panig-ingnan sa mga batan-on sa kongregasyon nga ilang gipasunod. Si Jehova nahimuot gayod sa ilang maayo kaayong pamatasan ug napasidunggan pinaagi niana.—Prov. 27:11.
10 min: Mga Dagkong Puntos sa 1990 Yearbook. Andam-kaayo nga pakigpulong sa pasiunang materyal diha sa 1990 Yearbook. Ipasiugda ang talagsaong mga kahimoan nga gipahimuslan sa katawhan ni Jehova tungod sa panalangin ni Jehova. Segon sa itugot sa panahon, iasoy ang pipila ka eksperyensiya nga gibutyag dinha. Palig-ona ang tanan sa pagkuhag kaayohan gikan sa pagbasa sa Yearbook.
Awit 108 ug paniklop nga pag-ampo.