Mga Tigom nga Motabang Nato sa Paghimog Tinun-an
SEMANA SA MAYO 7-13
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Dasigang tanang moambit sa buluhatong magasin niining Sabadoha. Ipasundayag ang duha o tulo ka mubong presentasyon sa magasin nga tukma sa lokal nga teritoryo, nga usa lang ka artikulo ang ipasiugda.
17 min: “Padayong Moingon, ‘Umari!’ Ngadto Kanilang Mapatalinghogon.” Pangutanag tubag. Ipaasoy ang piniling lokal nga mga eksperiyensiya segon sa itugot sa panahon. Ipasiugdang itanyag ang mga suskrisyon sa Ang Bantayanang Torre ug Pagmata! sa matag tukmang okasyon. Palig-onang mga magmamantalang balikduawon gilayon ug maninguhang sugdan ug mga pagtuon sa Bibliya ang mga interesado.
18 min: “Pagpamunga Uban ang Pagkamainantoson.” Pakigpulong sa materyal sa mga panid 253-5 sa 1990 Yearbook. Mainitong dayegon ang mga magmamantala tungod sa pakig-ambit sa kongregasyon sa maisogong pagpamatuod ug pagpamunga bisan pa sa mga pagsulay ug malisod nga mga kahimtang.
Awit 72 ug paniklop nga pag-ampo.
SEMANA SA MAYO 14-20
10 min: Lokal nga mga pahibalo ug taho sa kuwenta. Larawa ang mga kahikayan sa pag-alagad sa kanataran alang sa hinapos ang semana, ug dasigang mga grupo sa pamilya sa pagpakig-ambit sa pamalaybalay nga ministeryo.
20 min: “Maisogong Imantala ang Maayong Balita.” Pangutana-ug-tubag nga panaghisgot sa materyal. Basahang mga parapo segon sa itugot sa panahon.
15 min: Ang Hunahuna sa Bibliya. Pahayag ug demonstrasyon. Sukad sa Disyembre 8, 1985, nga isyu sa Pagmata!, “Ang Hunahuna sa Bibliya” nahimo nang makapainteres nga bahin sa maong magasin. Ang artikulo maylabot sa baroganan sa Bibliya sa mga ulohan nga gihisgotan gidesinyo alang sa masuknaong hunahuna, ang tawo man nagatuo sa Bibliya o wala. Sagad ang mga artikulo nagahatag ug preskong pagpatugbaw sa mga ulohan nga sa miagi gipatin-aw. Ato bang gigamit kining bahina diha sa ministeryo sa kanataran? Ang mga artikulo mga mugbo ra ug laktod sa punto, nga duha ka panid ra ang gitas-on. Sublia uban sa tigpaminaw ang pipila niining mga artikuloha nga haom sa inyong lokal nga teritoryo. Ipasundayag kon sa unsang paagi ang mga artikulo mahimong ikapasiugda diha sa ministeryo.
Awit 92 ug paniklop nga pag-ampo.
SEMANA SA MAYO 21-27
10 min: Lokal nga mga pahibalo ug Teokratikanhong mga Balita. Ilakip ang mga kahikayan para sa hinapos-semana nga pag-alagad sa kanataran. Paghimog mga sugyot kon haing mga artikulo sa kinabag-ohang mga magasin ang mosaler gayod sa mga tawo diha sa lokal nga teritoryo.
20 min: “Pagpadayon sa Atong Ministeryo nga Walay Hunong.” Pangutanag tubag. Ipabasa sa takos nga igsoong lalaki ang mga parapo. Ang uban sa mamiminaw makabasa ug makakomento sa gisitar nga mga teksto. Paghimog lokal nga kapadapatan sa maong impormasyon, nga nagabulig sa mga magmamantala sa pagbuntog sa mga suliran nga nasagubang diha sa teritoryo ug sa paghupot sa hustong tinamdan. Ang tanan kinahanglang determinado sa pag-alagad kang Jehova uban sa kasibot hangtod gayod sa kataposan.
15 min: Ang Kabililhon sa Maayong Balita sa Atong Kinabuhi. Ang materyal makaplagan sa Enero 1, 1990, Bantayanang Torre, mga panid 4-6. Hikayang naandam na nga mga komento gikan sa kongregasyon kon sa unsang paagi ang maayong balita nakabulig kanila sa pagpauswag sa ilang kinabuhi.
Awit 193 ug paniklop nga pag-ampo.
SEMANA SA MAYO 28–HUNYO 3
10 min: Lokal nga mga pahibalo ug panaghisgot sa kabililhon sa pagreport gilayon sa atong mga binuhatan sa pag-alagad sa kanataran ngadto sa kongregasyon. Palig-onang tanang magmamantala nga mosangyaw sa Sabado ug Domingo. Kini mao ang unang Domingo sa Hunyo.
15 min: “Pagtanyag sa Maayong Balita—Ngadto sa mga Batan-on.” Tagdon sa pangutanag tubag. Sa kobrehan ang parapo 4 ipasundayag sa magmamantala nga nagatanyag ngadto sa ten-edyer. Palig-onang mga ginikanan, mga batan-on, ug uban pa sa pagtagad sa nunot-panahong tambag nga anaa sa libro. Ang tanan kinahanglang mangandam sa paggamit sa libro diha sa pag-alagad sa kanataran. Isugyot ang mga paagi sa paggamit niana diha sa panaghisgot sa pamilya.
10 min: Pangutana. Pahayag sa ansiyano, nga nagakobre sa impormasyon sa materyal. Usab, maghimog tinong pagpunting sa ekselenteng ‘tape recordings’ nga gitagana sa Sosyedad, ug abagi ang mga igsoon sa pagkasabot kon sa unsang paagi magamit kini sa mga indibiduwal ug sa Kristohanong mga panimalay.
10 min: Pakigpulong sa kabililhon sa regular nga pagtagad sa inadlaw nga teksto ug mga komento. Ipasukad ang pahayag sa impormasyon diha sa pasiunang mga pulong sa Pagsusi sa Kasulatan sa Adlaw-adlaw—1990.
Awit 46 ug paniklop nga pag-ampo.