Mga Tigom sa Pag-alagad Alang sa Abril
Semana sa Abril 6-12
5 min: Lokal nga mga pahibalo. Iilustrar sa unsang paagi ang tinong mga artikulo sa kinabag-ohang mga magasin magamit sa buluhatong pagmagasin sa Sabado. Usab isugyot ang mga puntong igsusulti sa dihang nagatanyag ug mga suskrisyon sa Domingo.
15 min: “Ang mga Presentasyon nga Mopasanong.” Panaghisgot sa hanas nga ansiyano ug sa duha o tulo ka payunir o magmamantala. Tagda ang lainlaing paagi nga mapuslanon sa lokal nga teritoryo. Hikaya nga adunay ipasundayag nga usa ka presentasyon pinaagig duha ka membro sa grupo.
15 min: “Ang Labing Hinungdanong Adlaw sa 1992.” Pangutanag tubag nga pagkobre sa artikulo. Mainitong presentasyon nga nagadasig sa kongregasyon nga makabaton sa espiritu sa labing hinungdanong adlaw sa tuig. Ipatugbaw ang kahinungdanon sa paghimog maayong kahikayan sa pagsundal sa interes nga gipakita sa mga tawong mitambong sa Memoryal sa unang higayon. Dasiga ang tanang magmamantala nga magmaalisto sa pagtimbaya niining mga bag-ohan aron matanyagan sila ug pagtuon sa Bibliya kon wala pay nadumala kanila. Ipakita ang usa ka mubong demonstrasyon kon unsaon paghimog mahigalaong pagduol sa usang mitambong sa Memoryal.
10 min: “Padayong Buhata Kini sa Paghinumdom Kanako.” Pakigpulong sa nagadumalang magtatan-aw uban ang pakig-ambit sa mamiminaw. Ilakip ang materyal diha sa kahon.
Awit 15 ug paniklop nga pag-ampo.
Semana sa Abril 13-19
10 min: Lokal nga mga pahibalo, ug Mga Pahibalo sa Atong Ministeryo sa Gingharian. Dasiga kadtong nagaplanong mag-oksilyare payunir sa Mayo nga mokuhag aplikasyon ug itunol dayon kana. Kadtong maghimo sa ilang tigom sa pag-alagad sa dili pa ang Biyernes kinahanglang mohatag na ug panapos nga mga detalye sa kahikayan sa Memoryal uban ang pagdasig nga modapit sa mas daghan pang posible nga makatambong.
15 min: “Ibutyag ang mga Pakiglabot ni Jehova.” Pangutanag tubag nga panaghisgot. Mainitong dasiga ang tanan nga mokooperar sa paghimo sa Abril ug Mayo nga espesyal nga mga bulan sa kalihokan. Interbiyuha ang usa o duha nga nag-oksilyare payunir niining bulana ug suknaa sila kon unsay ilang gibati sa ilang buluhaton sa pagkakaron. Pilia kadtong nakabatog mga maayong resulta sa pag-alagad.
20 min: “Sundala ang Interes nga Walay Langan.” Pangutanag tubag nga panaghisgot.
Awit 19 ug paniklop nga pag-ampo.
Semana sa Abril 20-26
10 min: Lokal nga mga pahibalo. Taho sa kuwenta. Ilakip ang balos-pasalamat sa Sosyedad sa mga donasyon. Dayega ang mga igsoon sa pagsunod sa prinsipyo sa Deuteronomio 16:17. Kon may magmamantala nga wala pa makagawas sa pag-alagad niining bulana, kinahanglang himoon ang espesyal nga paningkamot sa pagbulig kanila nga makaambit sa pagsangyaw sa di pa matapos ang Abril.
20 min: “Unsay Akong Isulti Aron Mapukaw ang Dugang Interes?” Ipresentar ang duha o tulo ka nabansay-pag-ayong demonstrasyon. Human sa kada usa, suknaa ang mamiminaw kon nganong gibati nilang ang presentasyon epektibo sa pagdugang sa interes sa tagbalay.
15 min: “Padayong Malig-on sa Espirituwal, Pabiling Mahinlo sa Buluhaton ni Jehova.” Pangutanag tubag nga pagtagad sa mga parapo 1-7 sa suplemento sugod sa panid 3. Sa dihang maghisgot sa parapo 3, hisgoti ang lokal nga nanambong sa Memoryal sa Abril 17 ug analisaha kon unsaon pagtabang sa daghang mga interesado nga makapakig-uban na nga makanunayon ug mahimong takos nga mga magmamantala sa maayong balita sa umaabot.
Awit 123 ug paniklop nga pag-ampo.
Semana sa Abril 27–Mayo 3
10 min: Lokal nga mga pahibalo. Teokratikanhong mga Balita. Panapos nga pagdasig sa pagpamalandong sa oksilyare payunir nga pag-alagad sa Mayo. Pahinumdomi ang tanan nga motunol gilayon sa ilang mga taho sa Abril sa kataposan sa bulan aron ang taho sa kongregasyon ikapadala sa Sosyedad nga dili maulahi sa Mayo 6.
15 min: “Padayong Malig-on sa Espirituwal, Pabiling Mahinlo sa Buluhaton ni Jehova.” Pangutanag tubag nga pagtagad sa mga parapo 8-11 sa suplemento sa Atong Ministeryo sa Gingharian. Ipasiugda ang kalabotan tali sa pagkalig-on sa espirituwal ug pagpabiling hinlo sa pag-alagad kang Jehova, nga nagagamit sa tulo ka puntos sa parapo 11. Ipadapat sa lokal.
20 min: Pakigpulong binase sa Nobyembre 1, 1991, artikulo sa Bantayanang Torre, “Ikaw ba Nagapabili sa Yutan-ong Organisasyon ni Jehova?” Lig-ona ang pagtuo ug pagsalig sa kongregasyon diha sa organisasyon.
Awit 213 ug paniklop nga pag-ampo.