Mga Tigom sa Pag-alagad Alang sa Hulyo
Semana sa Hulyo 6-12
10 min: Lokal nga mga pahibalo ug nahiangayng Mga Pahibalo gikan sa Atong Ministeryo sa Gingharian. Hisgoti ang mga puntong igsusulti gikan sa kinabag-ohang mga magasin nga magamit sa pag-alagad sa kanataran niining hinaposan sa semana.
15 min: “Pasidunggi ang Maglalalang sa Tanang Butang.” Pangutanag tubag. Tukora ang pagkamadasigon sa atong tanyag sa librong Creation niining bulana. Hisgoti ang lainlaing mga kahigayonan sa pagpahimutang sa basahon, ug dasiga ilabina ang mga batan-on nga magdala niana sa tunghaan. Sa daghang panahon ang pagpakita lamang sa libro igo nang makadani sa mga kaeskuwela ug mga magtutudlo. Suknaang mamiminaw alang sa dugang mga sugyot sa impormal nga pagpahimutang sa libro.
20 min: “Pagpaila sa Librong Creation.” Hisgoti ug ipasundayag ang pipila ka sugyot sa artikulo. Sa usa ka pasundayag ipakita kon unsaon paggamit ang diretsong paagi sa pagsugod ug mga pagtuon. Usab, ipakita kon sa unsang paagi ang pipila ka bahin nga gihisgotan sa parapo 6 epektibong magamit sa pag-alagad sa kanataran.
Awit 225 ug paniklop nga pag-ampo.
Semana sa Hulyo 13-19
10 min: Mga pahibalo. Andama nga abante aron mabatonan ang komento sa duha ka regular o oksilyare payunir bahin sa mga pasiuna nga ilang nakaplagang epektibo samtang nagatrabaho sa lokal nga teritoryo.
20 min: “Magbaton ug Nagasakripisyo-sa-Kaugalingon nga Espiritu!” Pakigpulong sa artikulo sa Pebrero 1, 1992, Bantayanang Torre, mga panid 25-8. Ipasiugda nga ang pagbaton ug nagasakripisyo-kaugalingon nga espiritu dili kay kapilian apan usa ka Kristohanong kinahanglanon. Walay mawala nato pinaagig pagsakripisyo sa materyal nga mga butang ug lulinghayaw nga mga kalihokan aron mangagpas pag-una sa intereses sa Gingharian.
15 min: Ansiyano nakigsulti sa pipila ka sulundan nga batan-on. Hisgoti ang pangunang mga punto sa librong Gisukna sa mga Batan-on, kapitulo 17, “Angay Bang Moundang Ako Sa Pag-eskuyla?” Ipasiugda ang panginahanglan sa mga ginikanan nga motultol sa mga batan-on sa pagpilig usa ka kurso nga makabulig nila sa pagbaton ug praktikal nga mga kahanas nga makatabang nila sa pagtukod sa ilang umaabot uban sa organisasyon sa Diyos ug mangagpas sa intereses sa Gingharian. Ang mga ginikanan gikinahanglan usab nga magahatag ug panig-ingnan pinaagig pagbutang pag-una sa intereses sa Gingharian ug dili tugotan ang bisan unsa nga makabalda sa mga tigom ug pag-alagad.
Awit 61 ug paniklop nga pag-ampo.
Semana sa Hulyo 20-26
10 min: Mga pahibalo. Hisgoti ang kinamaayohang bahin sa taho sa pag-alagad sa miaging bulan, nga nagatandi niana sa taho sa Pilipinas sa Marso nga gihatag niining Atong Ministeryo sa Gingharian. Ihatag ang taho sa kuwenta. Dayega ang kongregasyon sa buluhaton nga nahimo sa pag-alagad sa kanataran ug sa manggihatagong suportar sa panalapi sa kongregasyon.
20 min: “Moambit Ka ba sa Impormal nga Pagpamatuod Niining Bulana?” Hisgoti ug ipasundayag ang mga punto sa artikulo. Ipasiugda ang kamatuoran nga kita maoy mga Saksi ni Jehova sa tanang panahon, busa buot natong mangitag kahigayonan nga makapamatuod. Andama sa abante ang duha ka mugbong kasinatian diin ang mga indibiduwal nagabuhat sa impormal nga pagpamatuod uban ang mga maayong resulta o diin ang usa sa kongregasyon nainteres sa kamatuoran ingon nga resulta sa impormal nga pagpamatuod.
15 min: Pakigpulong nga binase sa artikulong, “Mga Batan-on Nangutana . . . Nganong Magkugi Ako sa Pagtuon Samtang Nag-eskuyla?” sa Abril 8, 1992 nga gula sa Pagmata! Kining pakigpulonga kinahanglang magapasiugda nga ang pagtuon sa eskuwelahan dili lamang kay aron makagraduwar o makakuhag maayong mga grado apan kini nagapahilunag maayong pundasyon sa umaabot nga kinabuhi ug nagatudlog maayong mga kinaiya nga makabulig nato sa bug-os panahon nga pag-alagad.
Awit 154 ug paniklop nga pag-ampo.
Semana sa Hulyo 27–Agosto 2
5 min: Mga pahibalo. Teokratikanhong mga Balita. Sa pagkobre sa maong mga balita, itandi ang karong taho uban sa impormasyon sa maong sanga sa 1986 nga tuig sa pag-alagad, ingon sa makaplagan sa taho sa tuig sa pag-alagad sa 1987 Yearbook.
20 min: “Pagpayunir—Usa ka Pasundayag sa Gugma.” Pangutanag tubag. Human mahisgoti ang mga parapo 3 ug 4, interbiyuha ang tulo ka regular payunir (o mga magmamantala nga kanunay o sa pupanahon nag-oksilyare payunir), lakip na, kon anaa, ang usa ka batan-ong regular payunir kinsa mipayunir human dayon sa pag-eskuwela. Isukna kon sa unsang paagi nahikay nila ang ilang kalihokan aron makapayunir, unsay nagtukmod nila nga mohimo niana, unsang mga pagsakripisyo sa materyal nga ilang gihimo, ug unsang mga panalangin nga ilang nadawat samtang nagaalagad ingon nga mga regular payunir.
20 min: “Pagbalik Uban ang Tumong sa Pagsugod ug Pagtuon sa Bibliya.” Panaghisgot ug mga pasundayag. Ipasundayag ang sinugyot nga panaghisgot sa Bibliya sa parapo 3. Gamitang mga parapo 10-12 sa mga panid 238-9 sa librong Creation ingon nga basihanan sa pagsugod ug pagtuon sa Bibliya. Ipasiugda ang kahinungdanon sa pagpahilunag pasukaranan sa unang duaw pinaagig pagpatunghag pangutana nga tubagon nimo sa dihang ikaw mobalik, sa ingon kini magapasayon sa pagsugod sa pagbalikduaw.
Awit 135 ug paniklop nga pag-ampo.
Semana sa Agosto 3-9
10 min: Mga pahibalo. Himoa ang duha ka mugbong pasundayag nga nagapakita kon unsaon pagbaton ug usa ka Kasulatanhong panaghisgot sa dihang nagatanyag sa mga brosyur sa pag-alagad sa kanataran niining hinaposan sa semana. Ipahibalo sa kongregasyon kon haing mga brosyura ang mabatonan sa lokal nga magamit sa dihang gamiton kana ingon nga tanyag sa Agosto ug Septiyembre.
15 min: “Apostolikong Paghalili.” Ang magtatan-aw sa pag-alagad mikuyog sa usa ka payunir nga nagabalikduaw sa tawo nga mipatunghag pangutanang: “Dili ba ang papa kapuli ni apostol Pedro?” Ibase ang panaghisgot sa librong Nangatarongan, panid 44 ngadto sa unang ulohan sa panid 46 (mga panid 37-9 sa Ingles).
20 min: Lokal nga panginahanglan. Marepaso ang mga punto nga gipresentar sa miaging sirkito o espesyal adlaw nga asembliya nga programa nga ikapadapat sa lokal. O, usa ka takos nga ansiyano makahatag sa usa ka pakigpulong sa ulohang, “Pagpanambag Pinasukad sa Gugma” binase sa artikulo sa Abril 15, 1992 nga gula sa Ang Bantayanang Torre, mga panid 23-5.
Awit 167 ug paniklop nga pag-ampo.