Mga Tigom sa Pag-alagad Alang sa Oktubre
Semana sa Oktubre 5-11
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian.
15 min: “Pag-ila sa Kahulogan sa mga Hitabo Niining mga Adlawa.” Pangutanag tubag nga pagkobre sa artikulo. Human nga matagad ang parapo 6, ipresentar ang usa ka pasundayag nga nagapakita kon unsaon paggamit ang seksiyong “Kon Nganong Gipatik ang Pagmata!” diha sa panid 4 sa pagpaila sa magasin. Ipakita sa tagbalay ang usa ka tinong artikulo o punto diha sa magasin sa panahon sa pasundayag.
20 min: “Mga Presentasyon nga Mopainteres.” Hisgoti uban sa mamiminaw kon sa unsang paagi mapadapat ang mga sugyot sa inyong lokal nga teritoryo. Hikayang duha ka matinud-anon, naandam-pag-ayong mga pasundayag, nga naggamit sa Oktubre 8 o Oktubre 22 nga mga gula sa Pagmata!
Awit 96 ug paniklop nga pag-ampo.
Semana sa Oktubre 12-18
15 min: Lokal nga mga pahibalo. Ilakip ang taho sa kuwenta ug mga balos-pasalamat sa donasyon. Dayega ang kongregasyon sa mahinatagong pagsuportar sa lokal nga mga panginahanglan sa kongregasyon maingon man sa tibuok-kalibotang buluhaton sa Sosyedad. Hisgoting dagkong mga puntos gikan sa kinabag-ohang mga magasin ug himoang usa ka pasundayag nga nagapakita kon sa unsang paagi ang kinabag-ohang Bantayanang Torre nga magasin ikatanyag niining hinapos sa semana.
15 min: Kon sa unsang paagi ang magasing Pagmata! nakahatag personal nga kaayohan kanato. Ang takos nga igsoong lalaki mointerbiyu sa tulo o upat ka magmamantala bahin sa tinong mga paagi nga sila natabangan sa mga artikulo diha sa Pagmata! Ilakip ang labing menos usa ka batan-on nga anaa sa nagtunghang pangedaron kinsa nabenepisyohan gikan sa mga artikulong “Mga Batan-on Nangutana.” Kining mga kasinatiana magamit sa dihang nagatanyag sa suskrisyon sa Pagmata! diha sa kanataran.
15 min: “Ang Interes ba Mahaling Pag-usab?” Pangutanag tubag nga panaghisgot sa artikulo, nga sundan sa usa ka pasundayag kon sa unsang paagi ang pagduaw mahimo niadtong nagtuon kaniadto apan wala mopadayon tungod sa nagakadaiyang katarongan.
Awit 10 ug paniklop nga pag-ampo.
Semana sa Oktubre 19-25
5 min: Lokal nga mga pahibalo. Iasoy ang usa ka mubong lokal nga kasinatian sa kanataran o hisgoting mga puntong igsusulti nga magamit niining semanaha sa pag-alagad sa kanataran.
15 min: “Bawtismo,” librong Nangatarongan, mga panid 70-4 (54-8 sa Ingles). Pasiunang pakigpulong pinasukad sa “Kahubitan.” Ipasundayag kon sa unsang paagi ang usa ka ansiyano mahimong makigsulti sa usa nga nagapugong sa pagpabawtismo. Ipatugbaw ang impormasyon diha sa panid 70 (54 sa Ingles). Ipasiugda ang kahinungdanon sa paghimog pahinungod ug pagpasimbolo niana pinaagig pagbawtismo sa tubig. Ang mamumulong mohinapos pinaagig mubong pagtagad sa impormasyon sa bawtismo sa balaang espiritu, bawtismo sa mga patay, ug bawtismo sa kalayo.
15 min: “Mag-oksilyare Payunir Ka ba sa Nobyembre o Disyembre?” Mga pangutana ug mga tubag. Tukora ang kadasig sa oksilyare payunir nga buluhaton sulod niining duha ka bulan. Interbiyuha ang pipila nga nag-oksilyare payunir karon o nakapahimulos niini sa miagi, aron pagdasig sa uban nga moduyog kanila.
10 min: Pagrepaso sa Kalihokan sa Kongregasyon. Nga naggamit sa mga numero nga anaa sa Congregation Analysis Report (S-10) nga gipadala ngadto sa Sosyedad sa miaging bulan, ang nagadumalang magtatan-aw ug magtatan-aw sa pag-alagad magahisgot sa mga dagkong puntos sa kalihokan sa kongregasyon sulod sa milabay nga tuig. Mainitong dayega ang mga magmamantala ug mga payunir sa ilang nagasakripisyo-kaugalingong mga paningkamot sa pag-alagad ug ang ilang pagkamatinumanon sa pagtambong sa tigom. Sa tino hisgoti ang mga bahin nga sila milabaw. Ang mga pagtandi mahimo sa kalihokan sa miaging mga tuig kon ang mga taho anaa pa sa payl. Usab, ipunting ang mga bahin nga mahimo pa ang pag-uswag sulod sa 1993 tuig sa pag-alagad.
Awit 43 ug paniklop nga pag-ampo.
Semana sa Okt. 26–Nob. 1
10 min: Lokal nga mga pahibalo. Teokratikanhong mga Balita. Ipahibalo kon haing magasina ang mabatonan nga magamit sa pag-alagad sa kanataran, ug isugyot ang usa o duha ka puntong igsusulti nga kinahanglang makadani sa lokal. Ipasundayag kon sa unsang paagi ang kinabag-ohang mga magasin ikatanyag nga nagagamit sa usa ka Kasulatanhong presentasyon, sama nianang usa sa mga gilaraw diha sa artikulo diha sa ibabaw sa luyong panid.
15 min: “Pagtanyag sa Pagpangita sa Katawhan sa Diyos.” Hisgoti ug ipasundayag ang pipila ka sugyot diha sa artikulo. Ipakita kon sa unsang paagi ang napulo ka paagi sa pag-ila sa matuod nga relihiyon diha sa panid 377 epektibong magamit sa dihang nagatanyag sa libro sa Nobyembre.
20 min: “1992 ‘Mga Tigdala sa Kahayag’ Distritong Kombensiyon”—Bahin 1. Panaghisgot sa mamiminaw sa mga parapo 1-11. Ang mga magmamantala buot nga mohisgot sa nahiangayng mga puntos uban sa ilang mga estudyante sa Bibliya kinsa gidapit nga motambong sa kombensiyon.
Awit 48 ug paniklop nga pag-ampo.
Semana sa Nobyembre 2-8
10 min: Lokal nga mga pahibalo. Iasoy ang usa ka mubong lokal nga kasinatian sa kanataran o hisgoting mga puntong igsusulti nga magamit niining semanaha sa pag-alagad sa kanataran.
20 min: “1992 ‘Mga Tigdala sa Kahayag’ Distritong Kombensiyon”—Bahin 2. Panaghisgot sa mamiminaw sa mga parapo 12 ngadto sa 19 ug usa ka mubong pagrepaso sa “Distritong Kombensiyong mga Pahinumdom” segon sa itugot sa panahon. Ilakip ang tukmang mga pahinumdom nga gipasukad sa impormasyon diha sa Ang Bantayanang Torre sa Hunyo 15, 1989, mga panid 10-20. Dasiga ang mga grupo sa pamilya sa pagrepaso sa mga puntos niining mga artikuloha una pa motambong sa kombensiyon.
15 min: Panaghisgot ug mga pasundayag sa presentasyon sa Pagpangita sa Katawhan sa Diyos, nga nagagamit sa Isaias 55:6, 7 ug Buhat 17:26, 27. Ipakita kon sa unsang paagi ang bag-ohan ug mga batan-on makagamit ug usa ka pinayanong presentasyon, nga nagagamit lamang sa Isaias 55:6, 7. Ang igsoong lalaki nga nagadumala niining bahina makakuha sa mga puntos gikan sa artikulong “Pagtanyag sa Pagpangita sa Katawhan sa Diyos” sa panid 8.
Awit 109 ug paniklop nga pag-ampo.