Mga Tigom sa Pag-alagad Alang sa Nobyembre
Semana sa Nobyembre 9-15
10 min: Lokal nga mga pahibalo, piniling Mga Pahibalo gikan sa Atong Ministeryo sa Gingharian, ug dagkong mga puntos sa Teokratikanhong mga Balita. Repasoha ang talagsaong mga artikulo sa kinabag-ohang mga magasin; himoa ang usa o duha ka mubong pasundayag sa pagpakita kon unsaon kini pagtanyag human sa paggamit sa usa ka Kasulatanhong panaghisgot. Dasigang tanan nga makahimo sa pagpalapad sa ilang pakigbahin sa pag-alagad sa kanataran sa Nobyembre, nga posibleng makaduyog niadtong nagaoksilyare payunir niining bulana.
20 min: “Ang Panginahanglan sa Katawhan sa Pagpangita sa Diyos.” Mga pangutanag tubag. Palig-ona ang kadasig alang sa atong buluhaton sa kanataran niining bulana. Ipakita kon sa unsang paagi ang mga basahon makatabang sa katawhan sa nagakadaiyang mga relihiyon sa inyong teritoryo. Repasoha ang sinugyot nga mga presentasyon diha sa Oktubre nga Atong Ministeryo sa Gingharian ug hikayang usa ka mubong pasundayag sa usa niana pinaagig eksperiyensiyadong magmamantala o payunir.
15 min: Pakigpulong sa usa ka takos nga ansiyano sa artikulong “Naihap Mo na ba ang Bili?” diha sa Agosto 15, 1992 nga gula sa Bantayanang Torre, mga panid 26-9. Gamitang mga panig-ingnan sa artikulo sa pag-ilustrar kon unsa gayod ka importante kining mainampingong pagpamalandong kon sa unsang paagi ang espirituwalidad maapektohan una pa dawaton ang usa ka sekular nga trabaho o molangyaw sa laing nasod. Ang ansiyano kinahanglang mopahinumdom sa mga igsoon sa sulat sa Sosyedad sa tanang mga kongregasyon nga may petsang August 1, 1992 mahitungod sa kapeligrohan sa pagdawat og trabaho sa laing nasod nga walay mainampingong pagtagad sa mga sangpotanan.
Awit 63 ug paniklop nga pag-ampo.
Semana sa Nobyembre 16-22
10 min: Lokal nga mga pahibalo. Basahang binulan nga taho sa kuwenta; ihatag ang komendasyon pinasukad sa 2 Corinto 9:6, 7. Dapita ang nakaandam na nga mga magmamantala sa pag-asoy og talagsaong mga kasinatian sa pagtanyag sa librong Pagpangita sa Diyos niining bulana.
20 min: “Pagbalik Uban ang Tumong sa Pagsugod og Pagtuon sa Bibliya.” Pangutanag tubag ug mga pasundayag. Ipasundayag ang sinugyot nga panaghisgot sa Bibliya sa parapo 3. Gamitang mga parapo 17-20 sa mga panid 372-5 sa librong Pagpangita sa Katawhan sa Diyos ingong pasukaranan sa pagsugod og pagtuon sa Bibliya. Ipasiugda nga ang usa ka pagtuon masugdan sa bisan unsang kapitulo sa libro, nga dili kinahanglang diha gayod sa sinugdanan, depende kon unsay nakapainteres sa tagbalay.
15 min: “Pagkat-on sa Kamasinugtanon Pinaagi sa Pagdawat ug Disiplina.” Pakigpulong sa usa ka hamtong ginikanan diha sa artikulo sa Oktubre 1, 1992 nga gula sa Ang Bantayanang Torre. Ipakita ang bili sa disiplina sa pag-umol sa personalidad sa bata aron ikapahiluna ang usa ka maayong pundasyon alang sa hamtong nga kinabuhi. Ipakita kon unsay mahitabo kon adunay kakulang sa disiplina diha sa panimalay.
Awit 88 ug paniklop nga pag-ampo.
Semana sa Nobyembre 23-29
5 min: Lokal nga mga pahibalo. Dasigang tanan nga makaarang sa pagpamalandong sa oksilyare payuniring sa Disyembre, nga sulatan dayon ang ilang mga aplikasyon. Pinaagig mainampingong pagplano, daghan ang makakab-ot sa ilang 60-oras nga kinahanglanon una pa magsugod ang distritong mga kombensiyon.
20 min: “Tabangi ang mga Anak sa Pag-alagad Kang Jehova Gikan sa Kasingkasing.” Mga pangutanag tubag. Ipasiugdang panginahanglan alang sa mga ginikanan sa pagtuman sa ilang kaakohan sa paghatag og panig-ingnan ug personal nga pagbansay sa ilang mga anak diha sa ministeryo. Dapita ang usa o duha ka ginikanan sa pag-asoy kon unsay ilang nahimo nga nakabaton og maayong mga resulta. Ipademonstrar sa usa ka ginikanan kon sa unsang paagi siya nakabulig sa usa ka bata sa pag-andam og panaghisgot sa Bibliya nga magamit sa balaybalay nga ministeryo. Tiklopi pinaagig pagpasundayag sa usa ka batan-on sa usa sa sinugyot nga mga pasundayag.
10 min: “Pangutana.” Hisgoti sa mamiminaw. Ipasiugda kon nganong mahinungdanon alang sa mga anak ang pagbaton og dungog sa maayong panggawi ug sinserong tinguha nga makigbahin diha sa ministeryo sa kanataran aron nga mahimong takos ingong dibawtismadong mga magmamantala.
10 min: Mga Pahayag Gikan sa Batan-ong mga Magmamantala. Dapita ang pipila nga nakaandam nga mga batan-on sa pagsaysay kon sa unsang paagi sila nahimong takos nga dibawtismadong mga magmamantala ug kon nganong sila malipayon sa pag-alagad sa kanataran ug buot nga makabaton ug mas dakong pakig-ambit. Kadtong pagainterbiyuhon kinahanglang mohatag sa ilang kaugalingong positibong mga pahayag ug dili kay magasubli ra sa mga pulong nga niana sila gihangyong mosaysay.
Awit 221 ug paniklop nga pag-ampo.
Semana sa Nob. 30–Dis. 6
10 min: Lokal nga mga pahibalo. Dasigang tanan nga makabaton og maayong pagsugod sa pag-alagad sa kanataran sa Disyembre, ilabina kadtong nagaoksilyare payunir. Pahinumdomi usab ang tanan nga, kon sila mahilayo sa kongregasyon sa kataposan sa bulan tungod sa distritong mga kombensiyon, sila kinahanglang motunol sa ilang report una pa mobiya aron nga kana mahilakip sa report sa kongregasyon sa maong bulan.
20 min: “Dumalaha sa Kahanas ang Pulong sa Kamatuoran.” Pangutanag tubag nga pagkobre sa artikulo. Ipatugbaw ang panginahanglan sa paggamit sa Bibliya diha sa pultahan. Human mahisgoti ang parapo 5, ipasundayag ang sinugyot nga presentasyon. Usab, ipasundayag sa mubo kon unsaon pagtanyag ang Bibliya human sa paggamit sa kasulatan sa Proverbio 2:6, 7. Ipaila nga usahay buot sa mga magmamantala nga motanyag lamang sa librong Pulong sa Diyos sa mga indibiduwal nga maorag dili gusto sa laing Bibliya.
15 min: “Ang New World Translation—Makinaadmanon ug Matinud-anon.” Panaghisgot sa artikulo nga anaa sa Marso 1, 1991 nga gula sa Ang Bantayanang Torre. Ipatugbaw ang mga puntos nga mapuslanon sa pagtanyag sa Bibliya diha sa pag-alagad sa Disyembre. Alang sa dugang mga puntos, repasoha ang dagkong mga puntos sa materyal sa “New World Translation” diha sa librong Nangatarongan, mga panid 265-8 (276-9 sa Ingles).
Awit 111 ug paniklop nga pag-ampo.