Agdaha Sila sa Pagkahimong Iyang mga Sumusunod
1 Sa 1 Corinto 3:6, si Pablo misulat: “Nagtanom ako, gibisibisan ni Apolos, apan padayong gipatubo kini sa Diyos.” Dinhi si Pablo nagatabang sa iyang mga igsoon sa pagpabili sa ilang papel diha sa pagtanom ug pagbisibis nga buluhaton.
2 Kanang maong nagaluwas-kinabuhing buluhaton pagataposon na sa atong adlaw. Ingong dedikadong mga Kristohanon, kita adunay kaakohan sa pagtabang sa uban aron mahimong mga sumusunod ni Jesus. (Buh. 13:48) Sa unsang paagi nimo sundalon ang interes nga imong nakaplagan sa dihang nagagamit sa librong Ang Labing Bantogang Tawo nga Nabuhi Sukad?
3 Kon mibalik ka sa pagduaw sa usa ka tawo nga midawat sa libro, makaingon ka:
◼ “Sa ulahi natong panagsulti, akong nabilin nimo ang librong Ang Labing Bantogang Tawo nga Nabuhi Sukad. Unsa ang ilabinang nakahaylo kanimo mahitungod sa pagpanudlo ug personalidad ni Jesus?” Tugoting motubag. Pakliang kapitulo 113, ug hisgoti ang labaw kaayong panig-ingnan ni Jesus sa pagkamapaubsanon. Itanyag nga mobalik aron tun-an pag dugang ang maong butang.
4 Hayan palabihon mo kining maong pasiuna:
◼ “Atong naestoryahan ang bahin sa mga butang nga gibuhat ni Jesus samtang dinhi siya sa yuta nga nagapakita nga siya nagatagad gayod kanato. Unsa man ang imong gihunahunang iyang buhaton sa kataposan aron paghupay niadtong nag-antos pag-ayo?” Tugoting motubag. Pakliang kapitulo 133, ug basahang mga puntos sa ikalimang parapo. Paklia ngadto sa hulagway sa sunod nga panid sa pagpakita kon sa unsa mahisama unya kana sa dihang ang kabubut-on sa Diyos matuman na sa yuta. Itanyag nga mobalik alang sa dugang panaghisgot.
5 Kon walay nagakaigong interes sa pagtanyag sa libro sa sinugdan, tingali makasugod ka sa inyong panaghisgot niining paagiha:
◼ “Daghang tawo karon nagasundog sa usa nga ilang giisip ingong sumbanan. Si Jesu-Kristo mao ang labing maayong sumbanan nga mabatonan ni bisan kinsa. Buot nakong ipaambit kanimo ang usa ka hinungdanong leksiyon nga akong nakat-onan gikan sa panig-ingnan ni Jesus. [Pakliang kapitulo 40 sa librong Labing Bantogang Tawo, ug ipunting ang leksiyon ni Jesus bahin sa kaluoy.] Kini nagpahinumdom kanako kon sa unsang paagi gikinahanglan nakong ipasundayag kining hiyasa ngadto sa uban.” Basahang Mateo 5:7. Itanyag ang libro kon gipakita ang interes.
6 O buot nimong sulayan kining maong diretsong paagi:
◼ “Sa ulahing higayon nga dinhi ko, atong gihisgotan ang kahinungdanon sa pagbaton ug kahibalo mahitungod kang Jesus. Ang Juan 17:3 nagaingon nga ang pagkuha nianang maong kahibalo ‘nagakahulogan ug kinabuhing walay-kataposan.’ Unsaon nato paghimo kana?” Tugoting motubag. Ipadayon pinaagig pagsaysay sa atong kahikayan sa pagtuon sa Bibliya.
7 Si Pablo nagaingon nga ang usa ka mamumuo sa alanihon “magadawat sa iyang kaugalingong ganti sumala sa iyang kaugalingong kahago.” (1 Cor. 3:8) Kon kita magabuhat nga masingkamoton sa pagtabang sa uban nga mahimong mga sumusunod ni Jesus, dako unya ang atong ganti.