Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • km 12/96 p. 1
  • Kinsa ang Maminaw sa Atong Mensahe?

Walay video nga available.

Sorry, dunay problema sa pag-load sa video

  • Kinsa ang Maminaw sa Atong Mensahe?
  • Atong Ministeryo sa Gingharian—1996
  • Susamang Materyal
  • Paneguroa nga Mobalikduaw
    Atong Ministeryo sa Gingharian—1992
  • Aduna Kitay Bag-ong Himan sa Pagsugod ug mga Pagtuon!
    Atong Ministeryo sa Gingharian—2001
  • Pagbaton ug Kaisog sa Paghimog mga Balikduaw
    Atong Ministeryo sa Gingharian—1997
  • ‘Pagdalag Maayong Balita sa Butang nga Mas Maayo’
    Ang Bantayanang Torre Nagapahayag sa Gingharian ni Jehova—2005
Uban Pa
Atong Ministeryo sa Gingharian—1996
km 12/96 p. 1

Kinsa ang Maminaw sa Atong Mensahe?

1 Wala pa ing ingon sukad sa tawhanong kasaysayan, nga ang katawhan nabahaan ug impormasyon, kadaghanan niana di-importante ug makapahisalaag pa ngani. Ingong resulta, daghan ang gisamokan, ug busa lisod alang kanato ang pagpapaminaw nila sa mensahe sa Gingharian. Wala nila pabilhi ang positibong epekto sa ilang pagpaminaw sa Pulong sa Diyos diha kanila.​—Luc. 11:28.

2 Kita nagamaya nga sa daghang bahin sa kalibotan, tinagpulo ka libong katawhan ang nagapaminaw nianang mensahea ug nagadawat sa atong tanyag sa mga pagtuon sa Bibliya sa balay. Sa ubang mga teritoryo, bisan pa niana, ang sanong dili gayod kaayo dako. Daghang pagduaw nga atong gihimo diha sa ministeryo walay positibong mga resulta, ug hayan maghunahuna kita kon kinsay maminaw sa atong mensahe.

3 Magbantay gayod kita batok sa pagkaluya. Si Pablo misaysay: “‘Ang tanang nanagtawag sa ngalan ni Jehova mamaluwas.’ Apan, unsaon nila pagtawag kaniya . . . kinsa wala nila madunggi? Unsaon, sa baylo, nila pagkadungog kon walay magwali? . . . ‘Pagkatahom sa mga tiil niadtong mga nagapahayag sa maayong balita sa maayong mga butang!’” (Roma 10:13-15) Kon makugihon natong ipugas ang binhi sa Gingharian, ang Diyos magapatubo niana sa sulod niadtong may matinud-anong kasingkasing.​—1 Cor. 3:6.

4 Ang Yawi Mao ang mga Pagbalikduaw nga Makanunayon: Sa mga teritoryo diin pipila ka tawo lamang ang naminaw sa atong mensahe, kinahanglang ugmaron nato ang bisan unsang interes nga atong makaplagan, nakapahiluna man kitag literatura o wala. Nganong magdalidali man sa paghinapos nga wala gayoy malampos? Kon kita magpugas ug binhi, wala kita masayod kon hain niana ang motubo. (Eccl. 11:6) Kon kita mobalik nga andam nga may ipaambit gikan sa Kasulatan, bisan kon daklit lamang, kita makaarang sa pag-abot sa kasingkasing sa tawo. Makabilin kitag tract o makatanyag ug bag-ong mga magasin. Ngadtongadto, kita makapasundayag ug usa ka pagtuon sa Bibliya. Ang atong mga paningkamot panalanginan ni Jehova.​—Sal. 126:5, 6.

5 Usa ka tract ang nabilin sa usa ka babaye kinsa nagpakitag diyutayng interes. Wala na siya maabti sa balay pag-usab hangtod sa duha ka bulan sa ulahi, dihang puliki siya kaayo aron makaestorya. Ang samang tract nabilin kaniya pag-usab. Bisan pa sa padayong panikaysikay sa magmamantala, mikabat pag laing tulo ka bulan nga nakontak siya, nga nakaplagan siya nga nasakit diay. Ang igsoong babaye miduaw pag-usab pagkasunod semana, ug sa mubo ilang gihisgotan ang tract. Sa dihang mibalik ang sister sa pagkasunod semana, ang babaye mipahayag ug tiunay nga interes. Ang kausaban sa mga kahimtang sa iyang kinabuhi nakapahimo niyang mahunahunaon sa iyang espirituwal nga panginahanglan. Ang usa ka pagtuon sa Bibliya nasugdan, ug nagpadayon matag semana human niana.

6 Sama sa bisan unsang butang nga buot natong makitang motubo, mga bulak man, mga utanon, o interes sa mensahe sa Gingharian, ang pagtikad gikinahanglan. Nanginahanglan kanag panahon, paghago, usa ka maamomahong tinamdan, ug determinasyon nga dili mohunong. Kon magpadayon kita sa pagsangyaw, kita makaseguro nga makakaplag ug daghan pa nga maminaw sa atong mensahe.​—Itandi ang Galacia 6:9.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa