Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • km 3/92 p. 1
  • Paneguroa nga Mobalikduaw

Walay video nga available.

Sorry, dunay problema sa pag-load sa video

  • Paneguroa nga Mobalikduaw
  • Atong Ministeryo sa Gingharian—1992
  • Susamang Materyal
  • Pagbaton ug Kaisog sa Paghimog mga Balikduaw
    Atong Ministeryo sa Gingharian—1997
  • Ikaw ba Nagahimog mga Balikduaw?
    Atong Ministeryo sa Gingharian—1989
  • Ang mga Balikduaw Motultol Ngadto sa mga Pagtuon sa Bibliya
    Atong Ministeryo sa Gingharian—2003
  • Gikinahanglan—Dugang mga Pagtuon sa Bibliya
    Atong Ministeryo sa Gingharian—1998
Uban Pa
Atong Ministeryo sa Gingharian—1992
km 3/92 p. 1

Paneguroa nga Mobalikduaw

1 Ang paghimog mga balikduaw maoy usa ka hinungdanong bahin sa atong paghimog-tinun-an nga buluhaton. (Mat. 28:19, 20) Atong giila nga ang mga kinabuhi nalangkit, busa atong himoon ang tanang paningkamot sa pag-ugmad sa interes nga gipakita sa sinugdanan.

2 Kinahanglan natong tagdon ang matag indibiduwal kinsa nagapakitag interes ingon nga takos sa usa ka pagbalikduaw, may nakuha mang basahon o wala. Daghan ang buot makighisgot sa mensahe sa Bibliya apan modumili sa basahon. Busa kon namatikdan ang interes, kinahanglan tang mobalik ug sulayang ugmaron kana.

3 Pagbalikduaw sa mga Napahimutang: Sanglit kay ang mga napahimutang nga basahon milabaw man kaayo sa gidaghanon sa mga balikduaw, aduna pay dakong purohan sa pag-uswag. Usa ka payunir nakapahimutag usa ka libro apan nakamatikod sa diyutay kaayong interes sa bahin sa tagbalay. Usa ka hapon human mahimo ang tanan niyang uban pang pagduaw, ang maong igsoong lalaki midesider sa pagduaw niining tawhana. Nasugdan ang usa ka pagtuon sa Bibliya.

4 Usa ka igsoong lalaki nakapahilunag duha ka magasin sa usa ka tawo apan nahikalimot kaniya, nga naghunahunang dili gayod siya interesado. Pipila ka adlaw sa ulahi, ang maong tawo misulat sa lokal nga kongregasyon nga naghangyong magpabawtismo. Usa ka misyonaryo nga sister gipangutana kon unsa man ang katarongan nga siya nakatabang ug 74 ka tawo nga nahimong dibawtismadong mga magmamantala. Siya miingon: “Kami naghimog daghang buluhatong pagmagasin, ug kanunay nakong gibalikduaw ang mga tawo nga midawat sa mga magasin hangtod nakasugod kog mga pagtuon sa Bibliya uban kanila.”

5 Usahay makabilin lamang kitag usa ka ‘tract’ sa unang duaw. Usa ka magtatan-aw sa sirkito, nga misangyaw uban sa laing magmamantala, mibilin ug usa ka ‘tract’ sa usa ka babaye. Iyang gidasig ang sister nga mobalik. Ang sister mibalikduaw ug dihadiha nakasugod ug usa ka pagtuon sa Bibliya.

6 Dihang ang Interes Gipakita: Sa dihang ang tagbalay dili mokuhag basahon, kini wala kanunay magpasabot nga siya dili interesado. Usa ka espesyal payunir nakamatikod ug diyutayng interes sa usa ka babaye kinsa kanunayng dili modawat ug mga magasin. Ang payunir mihiklin sa magasin, ug ang babaye nahinangop sa pagpakighisgot sa pipila ka parapo sa usa sa mga pulyeto. Human sa pipila pa ka duaw, siya adunay pagtuon sa Bibliya kaduha sa usa ka semana.

7 Samtang makanunayon natong balikon ang tanang nagapakitag interes, kita makaanig bunga nga magpatunghag dagayang panalangin sa atong kaugalingon ‘ug niadtong nagapatalinghog kanato.’​—1 Tim. 4:16.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa