Mga Tigom sa Pag-alagad Alang sa Marso
Semana sa Marso 9-15
10 min: Lokal nga mga pahibalo ug Mga Pahibalo sa Atong Ministeryo sa Gingharian. Ipakita ang mga presentasyon sa magasin gibase sa kinabag-ohang mga gula.
20 min: “Andama ang Imong Presentasyon sa Marso.” (10 min.) Mga pangutanag tubag. (8 min.) Naandam-pag-ayong mga pasundayag sa duha o tulo ka sinugyot nga presentasyon nga labing tukma sa lokal nga teritoryo. (2 min.) Dasiga ang tanan nga mokat-on ug mogamit sa usa o dugang pang sinugyot nga mga presentasyon.
15 min: “Adan ug Eva,” librong Nangatarongan, mga panid 27-9. (5 min.) Pang-abling pakigpulong binase sa materyal ubos sa sub-ulohang “Sila ba si Adan ug Eva masambingayon (hinanduraw) lamang nga mga tawo?” (6 min.) Pasundayag sa usa ka balikduaw nga gihimo sa usa ka tawo nga nabinlan sa magmamantala sa pangutanang “Ang sala ba ni Adan kabubut-on sa Diyos, plano sa Diyos?” (4 min.) Idasig ang paggamit sa “Kon Adunay Moingon—” sa seksiyon sa librong Nangatarongan nga mga artikulo alang sa mga ulohan nga pagahisgotan sa mga balikduaw. Isitar ang dugang mga panig-ingnan.
Awit 30 ug paniklop nga pag-ampo.
Semana sa Marso 16-22
10 min: Lokal nga mga pahibalo, taho sa kuwenta, ug mga balos-pasalamat sa Sosyedad sa donasyon. Dayega ang kaigsoonan sa ilang suportar sa panalapi sa intereses sa Gingharian. Idasig ang dugang paningkamot nga makahimog mga balikduaw niining semanaha ug niining bulana. Kini nga Tigom sa Pag-alagad magasaysay ug magapasundayag sa tulo ka presentasyon nga magamit sa pagbalikduaw niadtong mga napahimutangag librong Worldwide Security. Pagpilig usa o mas pa nga magamit niining semanaha.
20 min: “Pagsugod sa Panaghisgot sa Dihang Mobalik Ka.” (3 min.) Pangbukas nga pakigpulong nga nagakobre sa mga puntos sa mga parapo 1 ug 2. (15 min.) Naandam-pag-ayong mga pasundayag sa matag usa sa tulo ka presentasyon sa mga parapo 3-5. (2 min.) Ginamit ang mga puntos sa parapo 6, dasigang tanan sa pagpangandam ug paggamit sa labing menos usa sa sinugyot nga mga presentasyon sa pagsugod ug mga panaghisgot niadtong nagpakitag interes.
15 min: “Makahimo Ka ba sa Pag-oksilyare Payunir?” Panaghisgot sa ansiyano ug pipila ka magmamantala kinsa nakaoksilyare payunir sa miagi ug nagaplanong magpalista pag-usab sa Abril ug Mayo. Sa pagkobre sa mga puntos sa artikulo, ang mga magmamantala mopatin-aw kon nganong buot silang mag-oksilyare payunir. Ilang iasoy ang mga panalanging natagamtam ug mga pagpasibo nga ilang gihimo aron makab-ot ang kinahanglanon sa oras. Dasiga ang tanan nga mamalandong niining pribilehiyoa sa pag-alagad kon itugot sa ilang personal nga mga sirkumstansiya.
Awit 114 ug paniklop nga pag-ampo.
Semana sa Marso 23-29
10 min: Lokal nga mga pahibalo. Dasiga ang tanan sa pagdapit sa mga interesado ngadto sa espesyal nga pahayag publiko sa Abril 5.
20 min: “Paneguroa nga Mobalikduaw.” Mga pangutanag tubag ug mga pasundayag. Human matagad ang parapo 5, ipasundayag ang pagbalikduaw sa tawo nga nabinlan ug ‘tract.’ Ang panaghisgot mosangpot ngadto sa pagtuon sa Bibliya diha sa librong Mabuhing Walay Kataposan. Human matagad ang parapo 6, ipasundayag ang pagbalikduaw sa tawong midumili sa basahon sa miagi. Human sa pasundayag, suknaa ang magmamantala kon nganong siya midesider nga mobalik niining tawhana nga wala modawat ug basahon sa unang duaw.
15 min: “Sa Unsang Paagi Kita Makabayad Kang Jehova?” Pakigpulong binase sa artikulo sa Bantayanang Torre sa Disyembre 1, 1991, mga panid 28-31.
Awit 133 ug paniklop nga pag-ampo.
Semana sa Marso 30–Abril 5
10 min: Lokal nga mga pahibalo, lakip ang mga kahikayan sa pag-alagad sa kanataran sa semana, ug Teokratikanhong mga Balita.
15 min: “Pagpakitag Suportar sa mga Payunir.” Mga pangutanag tubag ug interbiyu. Ipasiugda ang mga panalanging madawat sa tibuok kongregasyon sa dihang ang mga payunir hatagag gikinahanglang pagsuportar. Interbiyuha ang mga payunir, nga nagapasiugda kon sa unsang paagi sila natabangan sa ilang payunir nga ministeryo pinaagig mga ansiyano ug sa uban pa sa kongregasyon.
20 min: Pakigpulong sa bili sa pagbasa sa mga kasulatan mahitungod sa Memoryal nga gilista sa panid 3 sa Atong Ministeryo sa Gingharian para sa Abril 12-17. Ang mga pamilya mahimong duyog nga mobasa niini ug hisgotan ang kahulogan sa okasyon. Mapuslanon ang pagbasa sa materyal ubos sa “Lord’s Evening Meal” sa Insight, Tomo 2, mga panid 268-71. Ang maong pagpangandam makapausbaw sa apresasyon sa Memoryal ug mas makapasuod pa sa mga pamilya.
Awit 43 ug paniklop nga pag-ampo.