Mga Tigom sa Pag-alagad Alang sa Oktubre
Semana sa Oktubre 4
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Hisgoti ang mga puntong igsusulti gikan sa kinabag-ohang mga isyu sa Ang Bantayanang Torre ug Pagmata! ug ipakita kon sa unsang paagi kini magamit sa pagtanyag ug mga magasin niining hinapos sa semana. Dasiga ang tanan sa pagtanyag ug mga suskrisyon kon haom, ilabina sa mga pagbalikduaw o mga ruta sa magasin.
17 min: “Ang Kahinlo Nagapasidungog Kang Jehova.” Pangutanag tubag nga pagkobre sa usa ka ansiyano. Tiklopi pinaagig mubong pakigpulong nga nagrepaso sa tambag nga gihatag diha sa Hunyo 1, 1989, Bantayanang Torre, mga panid 15-20, nga nagpadapat sa haom nga mga puntos ngadto sa lokal nga kongregasyon.
18 min: Magmahunahunaon sa Magasin! Isulti ang total nga gidaghanon sa mga magasin nga napahimutang sa kongregasyon sa miaging bulan. Komosta kini kon itandi sa gidaghanon nga nadawat gikan sa Sosyedad? Kon dunay dakong kalainan, unsay kinahanglang buhaton? Dapita ang mga mamiminaw nga magkomento bahin sa mosunod: (1) Ang matag magmamantala kinahanglang mag-order ug igo apan haom nga suplay. (2) Isipa ang matag Sabado ingong Adlaw sa Magasin. (3) Hikaya ang imong personal nga eskedyul sa pag-alagad nga ilakip ang pipila ka kalihokan sa magasin matag bulan. (4) Pagplano sa paghimo ug dugang pang impormal nga pagsangyaw ginamit ang mga magasin sa pagsugod sa mga panaghisgot. (5) Dad-a ang linaing mga artikulo ngadto sa mga negosyante ug propesyonal nga mga tawo nga kalagmitan gayod nga mainteres niana. (6) Paghupot ug tukmang rekord sa mga napahimutang, ug paghimog usa ka ruta sa magasin, nga regular nga nagahatod sa kinabag-ohang mga isyu. (7) Gamitag maayo ang bisan unsang daandaang mga kopya sa mga magasin aron dili magtipun-og. Hinumdomi nga ang materyal diha sa daandaang mga isyu maoy nunot pa sa panahon ug mapuslanon kanilang atong mahibalag diha sa ministeryo, busa dili gayod kita magmanegatibo sa pagtanyag niini. Ipakita ang kinabag-ohang mga magasin, ug ipasiugda ang mga artikulo nga lagmit mopukaw sa interes. Ipasundayag sa mubo sa usa ka hamtong ug usa ka batan-on ang presentasyon sa magasin.—Tan-awa ang Enero 1996 nga pasukip sa Atong Ministeryo sa Gingharian.
Awit 105 ug paniklop nga pag-ampo.
Semana sa Oktubre 11
10 min: Lokal nga mga pahibalo. Taho sa kuwenta.
15 min: Lokal nga mga panginahanglan.
20 min: “Ang Paagi nga Mahuptan ang Dugang Kalipay Tungod sa Pagtambong ug mga Tigom.” Pangutanag tubag. Paghisgot ug espesipikong mga panig-ingnan kon sa unsang paagi kita makapakitag konsiderasyon ug makapadasig sa usag usa diha sa mga tigom. Dapita ang mga mamiminaw sa pag-asoy ug mga panig-ingnan gikan sa ilang kaugalingong mga kasinatian.
Awit 152 ug paniklop nga pag-ampo.
Semana sa Oktubre 18
10 min: Lokal nga mga pahibalo ug mga kasinatian sa pag-alagad sa kanataran.
13 min: “Mobalhin Ka Ba?” Usa ka makapadasig nga pakigpulong sa sekretaryo. Sa dihang makaplagan sa mga magmamantala nga gikinahanglan ang pagbalhin sa laing kongregasyon, hinungdanon nga sila maestablisar pag-ayo sa ilang bag-ong palibot aron malikayan ang bisan unsang espirituwal nga mga kakulian. Ipasiugda ang panginahanglan nga pahibaloon ang mga ansiyano bahin sa maong mga plano nga abante kaayo kon posible ug sa pagpatabang kanila sa pagkontak sa bag-ong kongregasyon. Kini ilabinang hinungdanon sa dihang mobalhin ngadto sa laing nasod sanglit daghan sa atong mga igsoon ang adunay di-malipayong mga kasinatian tungod sa wala ing teokratikanhong pakig-uban diha sa langyaw nga yuta.
22 min: “Unsay Imong Isulti Ngadto sa Usa ka Tawong Hudiyo?” Pangutanag tubag. Ipatin-aw ang mga kalainan tali sa Ortodokso, Reporma, ug Konserbatibo nga Judaismo. (Tan-awa ang Pagpangita sa Katawhan sa Diyos, mga panid 226-7.) Puntinga ang mga dapit diin kita lagmit makapahilunag puntong giuyonan uban sa usa ka Hudiyo. Ipasundayag ang naandam-pag-ayong presentasyon. Alang sa dugang impormasyon bahin sa Judaismo, tan-awa ang librong Nangatarongan, mga panid 22-3 ug Pagpangita sa Katawhan sa Diyos, kapitulo 9.
Awit 142 ug paniklop nga pag-ampo.
Semana sa Oktubre 25
15 min: Lokal nga mga pahibalo. Tabangi ang tanan sa pagtanyag sa Gikinahanglan nga brosyur o sa librong Kahibalo sulod sa Nobyembre. Isaysay kon unsaon sa pag-andam ug presentasyon nga nagsentro sa pangutana nga, “Ang Diyos ba motubag sa mga pag-ampo?” Gamita ang mga puntos gikan sa leksiyon 7 diha sa brosyur o kapitulo 16, mga parapo 12-14, diha sa libro. Ipasundayag ang yanong presentasyon nga naggamit sa usa ka kasulatan.
15 min: Pagpangitag mga Tubag sa mga Pangutana sa Bibliya. Usa ka ministeryal nga alagad giduol sa usa ka magmamantala nga nakahibalag ug interesadong tawo nga may usa ka pangutana sa Bibliya. Inay kay hatagan ug tubag, ang ministeryal nga alagad magsaysay kon unsaon pagpangita niana. Una, iyang repasohon ang mga sugyot nga makaplagan sa Giya sa Tunghaan, tun-anan 7, mga parapo 8-9. Dayon, duyog nilang tukion ang usa ka pangutana nga sagad isukna diha sa lokal nga teritoryo. Mangita silag espesipikong mga reperensiya nga maghisgot sa ulohan ug mangitag makapakombinsir nga mga puntos nga magtin-aw sa nagapahiping mga rason alang sa tubag sa Bibliya. Dasiga ang mga mamiminaw sa pagbuhat niining matanga sa magantihong pagtuon sa pagtuki sa mga pangutana sa Bibliya.
15 min: Mga Tumong nga Tingali Atong Himoon. Pakigpulong ug panaghisgot sa mga mamiminaw. Repasohon ang praktikal nga mga tumong nga gilaraw sa kahon sa panid 11 sa Marso 15, 1997, Bantayanang Torre. Ilakip ang pagdasig sa pagpakig-ambit sa oksilyare o regular payunir nga pag-alagad. Isaysay kon sa unsang paagi ang pagkab-ot niini nga mga tumonga makabenepisyo kanato sa personal. Dapita ang mamiminaw sa pag-asoy ug pipila sa nasinating mga kalipay sa dihang ilang nakab-ot ang pipila ka teokratikanhong mga tumong.
Awit 151 ug paniklop nga pag-ampo.