Kon Unsay Isulti Labot sa mga Magasin

Ang Bantayanang Torre Mayo 15

“Sa hunahuna mo posible bang makaila sa Diyos? [Tugoting motubag.] Mouyon ka nga malisod ang pagtuo sa usa nga wala nato kaayo mailhi. Ang Bibliya, sa pagkamatuod, nagdasig kanato nga pangitaon ang Diyos. [Basaha ang Buhat 17:27.] Kining mga artikuloha nagpakita kanato kon sa unsang paagi kita mas pang makaila sa Diyos.”

Pagmata! Mayo 22

“Ang mga lider sa kalibotan nag-eksperimento ug daghang ideya sa pagpaningkamot nga sulbaron ang atong mga problema. Gikaingon nga ang usa ka bag-ong estratehiya maoy globalisasyon. Niining magasina, imong mabasa kon sa unsang paagi kining bag-ong paningkamot mahimong nakaapektar na sa imong kinabuhi. Imong mabasa usab ang maylabot sa usa ka globonhong solusyon nga gitagna sa Bibliya.” Dayon basaha ang Mateo 6:​9, 10.

Ang Bantayanang Torre Hun. 1

“Ang di pa dugayng mga hitabo nakapahibulong sa daghan kon nganong ang inosenteng mga biktima nakasugamak ug kalit nga kamatayon. Nakahunahuna ka ba kon nganong mamatay ang mga tawo? [Tugoting motubag, ug dayon paklia ngadto sa tsart sa panid 7.] Buot ba nimong mahibaloan kon unsay giingon sa Bibliya bahin sa usa niining kasagarang mga sugilambong?” Kon posible, pagbasag usa ka tekstong gisitar.

Pagmata! Hun. 8

“Gibati sa daghang tawo nga ang relihiyon ug siyensiya nagkasumpaki. Gibati pa gani sa uban nga imposibleng motuo sa Diyos ang usa ka tawo nga maikagon sa siyensiya. Unsay pagbati mo bahin niini? [Tugoting motubag.] Ang Pagmata! naghisgot niining ulohana sa matulon-anon kaayong paagi.”