Eskedyul sa Tigom sa Pag-alagad
Semana sa Hunyo 14
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Gamita ang mga sugyot sa panid 4 (kon haom sa inyong teritoryo) aron ipasundayag kon sa unsang paagi itanyag ang Hunyo 15 nga Bantayanang Torre ug ang Hunyo 22 nga Pagmata! Sa usa ka presentasyon, ipakita ang magmamantala nga nagsangyaw diha sa mga tindahan. Ang ubang realistikanhong mga presentasyon mahimong gamiton.
20 min: “Tabangan ni Jehova Kadtong Mosalig Kaniya.”a Sa dihang hisgotan ang parapo 4, ilakip ang mga komento sa librong Tunghaan sa Ministeryo, panid 67, parapo 2.
15 min: Nganong Likayan ang Pag-abuso sa mga Droga? Panaghisgot sa mamiminaw pinasukad sa librong Nangatarongan, mga panid 147-50 (p. 106-9 sa Iningles). Komon na ang paggamit sa mga droga ingong “lingawlingaw.” Daghan ang moinsistir nga ang paggamit sa maong mga droga dili makadaot; giduso pa gani sa uban ang legal nga paggamit niana. Hisgoti kon sa unsang paagi kita makapangatarongan uban sa maong mga tawo. Ilakip ang mga komento sa kahon sa panid 10 sa Nobyembre 8, 1999, Pagmata!
Awit 179 ug paniklop nga pag-ampo.
Semana sa Hunyo 21
10 min: Lokal nga mga pahibalo.
15 min: “Ang mga Manulonda Nagatabang Kanato.”b Dapita ang mamiminaw sa pagkomento sa gisitar nga mga teksto segun sa itugot sa panahon.
20 min: Ang Kaalam nga Gikan sa Itaas Makataronganon. (Sant. 3:17) Pakigpulong ug panaghisgot sa mamiminaw pinasukad sa librong Tunghaan sa Ministeryo, mga panid 251-2. Unsay kahulogan sa pagkamakataronganon? Nganong hinungdanon kini diha sa atong ministeryo? Unsay atong makat-onan gikan sa panig-ingnan ni apostol Pablo? Sa unsang paagi makonsiderar sa mga magmamantala ang kagikan sa mga tawo diha sa lokal nga teritoryo? Sa unsang paagi atong matabangan ang mga ginatun-an sa Bibliya sa pagpasundayag sa pagkamakataronganon? Hikaya daan ang usa o duha sa pag-asoy ug mga kasinatian nga nagpakita sa mga kaayohan sa makataronganong paagi sa pagduol.
Awit 53 ug paniklop nga pag-ampo.
Semana sa Hunyo 28
12 min: Lokal nga mga pahibalo. Taho sa kuwenta. Pahinumdomi ang mga magmamantala sa paghatag sa mga taho sa pag-alagad sa kanataran sa Hunyo. Ginamit ang mga sugyot sa panid 4 (kon haom sa inyong teritoryo), ipasundayag kon sa unsang paagi itanyag ang Hulyo 1 nga Bantayanang Torre ug ang Hulyo 8 nga Pagmata! Sa matag pasundayag, ang magmamantala mohatag ug mubo, mahigalaon nga komento sa sinugdanan sa presentasyon. Hisgoti nga ang paghimo niana makatabang sa tagbalay nga mahimong relaks.
15 min: Lokal nga mga panginahanglan.
18 min: “Ang Pagtuon sa Libro sa Kongregasyon—Kon Nganong Atong Gikinahanglan Kini.”c Gamita ang mga pangutana nga gitagana. Ilakip ang mga komento diha sa artikulong “Abagi ang Imong Magtatan-aw sa Pagtuon sa Libro sa Kongregasyon,” nga makita sa panid 1 sa Nobyembre 2002 nga Atong Ministeryo sa Gingharian.
Awit 20 ug paniklop nga pag-ampo.
Semana sa Hulyo 5
10 min: Lokal nga mga pahibalo.
15 min: Unsay Imong Isulti? Pakigpulong ug panaghisgot sa mamiminaw. Sa Hulyo ug Agosto, atong itanyag ang mga brosyur. Unsang mga brosyura ang nakaplagan sa mga magmamantala nga epektibo diha sa lokal nga teritoryo? Repasoha ang gisugyot nga mga presentasyon gikan sa Hulyo 1998 nga Atong Ministeryo sa Gingharian, panid 8, o gikan sa ubang nangaging mga gula. Ipasiugda nga sa matag presentasyon ilakip ang (1) usa ka pangutana, (2) usa ka teksto, ug (3) usa ka punto nga hisgotan diha sa publikasyon. Ipasundayag ang usa o duha ka presentasyon. Dasiga ang tanan nga gamiton ang Bibliya sa dihang magpresentar sa maayong balita.
20 min: Kon Unsay Gikinahanglan sa mga Anak Gikan sa mga Ginikanan. Pakigpulong ug panaghisgot sa mamiminaw pinasukad sa Pagkakat-on Gikan sa Dakong Magtutudlo, mga panid 6-7. Hinungdanon alang sa mga bata nga makakat-on sa mga prinsipyo sa Bibliya nga nagtino sa matuod nga pagsimba ug sa pagsabot sa hinungdanong bahin nga ila sa mga ginikanan diha sa paagi sa pagbansay. Hisgoti ang mga sugyot nga gihatag alang sa pagtuon sa maong libro. Dapita ang mga ginikanan sa pagkomento kon sa unsang paagi ilang gigamit ang maong abag sa pagtuon. Pasultiha ang usa o duha ka bata kon nganong ilang nagustohan kining publikasyona.
Awit 65 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.