Pahimusli ang Video nga No Blood​—Medicine Meets the Challenge

Unsa ka dako ang imong kahibalo bahin sa mga kapilian nga mabatonan bahin sa pagtambal nga dili gamitag dugo? Nasabtan ba nimo kon unsa ang mga kapuli sa pag-abonog dugo ug kon sa unsang paagi kini moobra? Tan-aw niini nga video, ug sukda ang imong kahibalo pinaagi sa mosunod nga mga pangutana.​—Matikdi: Tungod kay ang video adunay daklit nga mga esena sa pag-opera, ang mga ginikanan magmaalamon sa paghukom kon angay ba nilang patan-awon ang ilang gagmayng kabataan.

(1) Unsa ang pangunang rason kon nganong ang mga Saksi ni Jehova dili magpaabonog dugo, ug asa makaplagan ang maong prinsipyo diha sa Bibliya? (2) Maylabot sa medikal nga pag-atiman, unsay atong gitinguha? (3) Unsa ang pasukaranang katungod nga gihuptan sa usa ka pasyente? (4) Nganong makataronganon ug pagkaresponsable ang dili pagpaabonog dugo? (5) Kon mahitabo ang grabeng pagdugo, unsa ang duha ka pangunang dinaliang butang nga buhaton sa mga doktor? (6) Unsang mga risgo sa panglawas ang nalangkit sa mga pag-abonog dugo? (7) Unsay gigamit sa mga siruhano aron mamenosan ang pagdugo panahon sa operasyon? (8) Unsang impormasyon ang gusto nimong masayran bahin sa bisan unsang gitanyag nga kapuli sa pag-abonog dugo? (9) Mahimo ba ang seryoso ug komplikado nga mga operasyon nga walay mga pag-abonog dugo? (10) Unsay andam buhaton sa nagkadaghang mga doktor alang sa mga Saksi ni Jehova, ug unsa sa ngadtongadto ang mahimong sukdanan sa pag-atiman sa tanang pasyente?

Ang pagdawat sa bisan unsang mga pagtambal nga gipresentar sa video maoy personal, matinud-anong desisyon.​—Tan-awa ang Hunyo 15, 2004, Bantayanang Torre, mga panid 22-4, 29-​31, ug ang Oktubre 15, 2000, Bantayanang Torre, mga panid 30-1.