Kon Unsay Isulti Bahin sa mga Magasin

Ang Bantayanang Torre Peb. 15

“Kon ikaw maoy papilion ug tawo nga momando sa kalibotan, kinsay imong pilion? [Patubaga.] Kining gulaa sa Ang Bantayanang Torre naghisgot bahin sa mga kredensiyal sa Mesiyas, ang gipili sa Diyos nga momando sa yuta. Gihisgotan usab niini kon unsay himoon sa iyang pagmando alang sa katawhan.” Basaha ang Isaias 9:6, 7.

Pagmata! Peb.

“Dunay daghang diyos nga ginasimba sa mga tawo karon. Apan, matikdi ang giingon ni Jesus diha sa pag-ampo bahin sa iyang langitnong Amahan. [Basaha ang Juan 17:3.] Kon adunay usa lamang ka matuod nga Diyos, unsa man diay ang ubang mga diyos? [Patubaga.] Kining artikuloha naghisgot sa hunahuna sa Bibliya bahin niana.” Ipasiugda ang artikulo sa mga panid 28-9.

Ang Bantayanang Torre Mar. 1

“Kadaghanang tawo mouyon nga kita kinahanglang maghigugmaay sa usag usa, sumala sa gisugo ni Jesus niining tekstoha. [Basaha ang Juan 13:34, 35.] Apan, asa nato makaplagan ang mga tawo nga nagpadapat sa mga pagtulon-an ni Jesus diha sa ilang kinabuhi? [Patubaga.] Kining magasina naghisgot kon sa unsang paagi atong mailhan ang tinuod nga mga Kristohanon karon.”

Pagmata! Mar.

“Hinungdanon ang gugma alang sa atong kalipay ug kaayohan. Apan alang sa daghang tawo, ang tinuod nga gugma lisod makaplagan. Mao ba usab kanay imong pagtuo? [Patubaga.] Ang usa ka paagi aron makaplagan ang tinuod nga gugma mao ang pagkakat-on sa pagpakita ug dili-mahakogong gugma ngadto sa uban. Kining magasina naghisgot kon unsay nalangkit niana.” Basaha ang 1 Corinto 13:4-7.