Sampol nga mga Presentasyon

Sa Pagsugod ug Pagtuon sa Bibliya sa Unang Sabado sa Oktubre

“Segurado kong mouyon ka nga ang kinabuhi daw mubo kaayo. Sa imong hunahuna, moabot kaha ang panahon nga wala nay sakit ug taas nag kinabuhi ang tawo? [Patubaga.] Matikdi ang giingon dinhi.” Itunol sa tagbalay ang Oktubre 1 nga Bantayanang Torre, ug hisgoti ninyo ang unang sub-ulohan sa panid 16 ug basaha ang gisitar nga teksto. Itanyag ang magasin, ug pakigsabot nga mobalik ka aron hisgotan ang sunod nga pangutana.

Ang Bantayanang Torre Oktubre 1

“Kami nagaduaw tungod kay daghan ang nabalaka sa kakaylap sa korapsiyon diha sa negosyo ug sa gobyerno. Para nimo, naa pa kahay mahimo aron masulbad kining problemaha? [Patubaga.] Matikdi ang giingon dinhi kon unsay himoon ni Jesus para sa mga biktima sa korapsiyon. [Basaha ang Salmo 72:12-14.] Kini nga magasin nagpakita kon sa unsang paagi ang korapsiyon matapos sa dili na madugay.”

Pagmata! Oktubre

“Gusto sa daghang ginikanan nga ang ilang anak makabaton ug maayong edukasyon. Sa imong hunahuna, ang migraduwar ba nga mga batan-on karon andam na sa pag-atubang sa mga hagit sa kinabuhi? [Patubaga.] Matikdi ang giingon sa Bibliya maylabot sa kahinungdanon sa pagbatog kahibalo ug kaalam. [Basaha ang Ecclesiastes 7:12.] Kini nga magasin naghatag ug lima ka praktikal nga sugyot aron matabangan ang mga bata nga molampos sa ilang pag-eskuyla.”